- Иги адам абынса да, джангылмаз.
- Джахил болса анасы, не билликди баласы?
- Аз сёлешген, къайгъысыз турур.
- Адамгъа аман кюн соруб келмейди.
- Сёз садакъдан кючлюдю.
- Чыбыкълыкъда бюгюлмеген, къазыкълыкъда бюгюлмей эди.
- Окъугъан озар, окъумагъан тозар.
- Насыб бютеу халкъны юлюшюдю.
- Эринчекге кюн узун.
- Хар зат кесини орнуна иги.
- Бал – татлы, балдан да бала – татлы.
- Баш болса, бёрк табылыр.
- Алтыда кюлмеген, алтмышда кюлмез.
- Айран тёгюлсе, джугъусу къалыр.
- Ишин билген, аны сыйын чыгъарады.
- Арбаз къынгырды да, ийнек сауалмайма.
- Хоншуну тауугъу къаз кёрюнюр, келини къыз кёрюнюр.
- Чакъырылмай келген къонакъ сыйланмай кетер.
- Тюзлюк шохлукъну бегитир.
- Гугурук къычырмаса да, тангны атары къалмаз.
- Джашда акъыл джокъ, къартда къарыу джокъ.
- Ач да бол, токъ да бол – намысынга бек бол.
- Сибиртки да сыйлы болду, кюрек да кюнлю болду.
- Ариу сёз – къылычдан джити.
- Байлыкъ адамны сокъур этер.
- Адам къаллай бир ишленмесе, аллай бир кесин уллу кёреди.
- Джангызны оту джарыкъ джанмаз!
- Термилгенинги табмазса, кюлгенинге тюберсе.
- Ариуну – ауруу кёб.
- Башсыз урчукъ тюзюне айланмаз.
- Ургъан суудан башынгы сакъла.
- Орну джокъну – сыйы джокъ.
- Дженгил джетерикме деб, узун джолну къоюб, къысхасын барма.
- Ат басханны джер билед.
- Аджал соруб келмез, келсе, къайтыб кетмез.
- Бети – къучакълар, джюреги – бычакълар.
- Иги адамны бир сёзю эки болмаз.
- Сабыр джетер муратха, сабырсыз къалыр уятха.
- Атадан ёксюз – бир ёксюз, анадан ёксюз – эки ёксюз.
- Арбаз сайлама да, хоншу сайла.
- Акъдан къара болмаз.
- Биреу ашаб къутулур, биреу джалаб тутулур.
- Урама да – ёледи, сатама да – келеди.
- Ауузу аманнга «иги», деме.
- Чабакъсыз кёлге къармакъ салгъанлыкъгъа, чабакъ тутмазса.
- Уллу сёзде уят джокъ.
- Намыс сатылыб алынмайды.
- Ач къарынны, токъ билмез
- Этни да ашады, бетни да ашады.
- Эки къатын алгъанны къулагъы тынгнгаймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72