- Акъыл къартда, джашда тюйюлдю – башдады.
- Тилсиз миллет джокъ болур.
- Бети – къучакълар, джюреги – бычакълар.
- Келинни – келгинчи, бёркню кийгинчи кёр.
- Тенгинг джокъ эсе – изле, бар эсе – сакъла!
- Ашда уялгъан – мухар, ишде уялгъан – хомух.
- Биреу къой излей, биреу той излей.
- Акъылсызны джууукъгъа алма, акъыллыны кенгнге салма.
- Мал кёб болса, джууукъ кёб болур.
- Ёгюзню мюйюзюнден тутадыла, адамны сёзюнден тутадыла.
- Эртде тургъан бла эртде юйленнген сокъуранмаз.
- Къан бла кирген, джан бла чыгъар.
- Кийим тукъум сордурур.
- Аман къатын сабий табса, бий болур…
- Чабакъ башындан чирийди.
- Суу кетер, таш къалыр.
- Ким бла джюрюсенг, аны кёзю бла кёрюнюрсе.
- Окъумагъан сокъурду, сокъур ташха абыныр!
- Уллу къазанда бишген эт, чий къалмаз.
- Чомарт джарлы болмаз.
- Бети бедерден, намыс сакълама.
- Джарлы тюеге минсе да, ит къабар.
- Ашыкъгъан cуу, тенгизге джетмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сагъышы джокъ – джукъучу, акъылы джокъ – къаугъачы.
- Бек ашыкъгъан меннге джетсин, дегенди аракъы.
- Тилчиден кери бол.
- Къар – келтирди, суу – элтди.
- Адебсиз адам – джюгенсиз ат.
- Орну джокъну – сыйы джокъ.
- Байны къызы баймакъ болса да, юйде къалмаз!
- Дуния аламаты сен эсенг да, игиме деб айтма.
- Таугъа чыгъаллыкъ эсенг, тюзде къалма.
- От кюйдюрген, сау болса да, тот кюйдюрген, сау болмаз.
- Къонакъны къачан кетерин сорма, къачан келлигин сор.
- Ёксюзню тилеги къабыл болур.
- Билим насыб берир, билим джолну керир.
- Дуния мал дунияда къалады.
- Битмегеннге сакъал – танг.
- Башсыз урчукъ тюзюне айланмаз.
- Таукелге нюр джауар.
- Джыйырма къойну юч джыйырма эбзе кюте эди.
- Нёгерсизни джолу узун.
- Тили узунну, намысы – къысха.
- Джырчы ёлсе, джыры къалыр.
- Адамгъа аман кюн соруб келмейди.
- Таукел тауну аудурур.
- Мени джылытмагъан кюн, меннге тиймесин!
- Сибиртки да сыйлы болду, кюрек да кюнлю болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72