- Тёзгеннге, джабылгъан эшик ачылыр.
- Ашлыкъны арба юйге келтирир, чана базаргъа элтир.
- Ариу сёз джыланны орнундан чыгъарыр.
- Итли къонакъ джарашмаз.
- Бал – татлы, балдан да бала – татлы.
- Акъыл бла адеб эгизледиле.
- Акъдан къара болмаз.
- Адамны сабийин сюйген джюреги, бычакъча, джитиди.
- Зарда марда джокъ.
- Аманнга да, игиге да оноусуз къатышма.
- Бир онгсуз адам адет чыгъарды, деб эштирик тюлсе.
- Ишлегенден, къарагъан уста.
- Атлыны кёрсе, джаяуну буту талыр.
- Иги сеники эсе да, сюйген кесимикин этеме.
- Аш кетер да бет къалыр.
- Тюзлюк шохлукъну бегитир.
- Байлыкъ тауусулур, билим тауусулмаз.
- Адамны аманы адамны бети бла ойнар.
- Къумурсхала джыйылсала, пилни да джыгъадыла.
- Джан саулукъ бермей, сан саулукъ бермезсе.
- Урунуу – насыбны анасы.
- Алим болгъандан эсе, адам болгъан къыйынды.
- Босагъагъа джууукъ орун болса, ашыгъыб тёрге озма.
- Махтаннган къыз, тойда джукълар.
- Кеси юйюмде мен да ханма.
- Къызын тута билмеген, тул этер, джашын тута билмеген, къул этер.
- Къарны аманнга къазан такъдырма, къолу аманнга от джакъдырма.
- Айранын берсенг, челегин да къызгъанма.
- Ашарыкъда сайлагъаннга – чий гырджын.
- Сабыр джетер муратха, сабырсыз къалыр уятха.
- Терек ауса, отунчу – кёб.
- Суугъа – таянма, джаугъа – ийнанма.
- Уруну арты – къуру.
- Тилчиден кери бол.
- Ушамагъан – джукъмаз.
- Кёб ант этген, кёб ётюрюк айтыр.
- Байма, деб да, къууанма, джарлыма, деб да, джылама.
- Тил – миллетни джаны.
- Эл элде бирер малынг болгъандан эсе, бирер тенгинг болсун.
- Къуллукъчума, деб махтанма, къуллукъ – хаух джамчыды!
- Ашхы адам – халкъ байлыгъы, ашхы джер – джашау байлыгъы.
- Къоркъакъны кёзю экили кёрюр.
- Къыйынлы джети элни къайгъысын этер.
- Кёз – сюйген джерде, къол – ауругъан джерде.
- Узун джолну барсанг, бюгюн келирсе, къысха джолну барсанг, тамбла келирсе.
- Кёбге таш атма.
- Келгинчи, къонакъ уялыр, келгенден сора, къонакъбай уялыр.
- Сангырау къулакъ эл бузар.
- Экиндини кеч къылсанг, чабыб джетер ашхам.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72