Эльбрусоид :: Форум :: Архив форумов

Ойнаб айтсанг да, эслеб айт.
Иши джокъну, сыйы джокъ.
Кёзню ачылгъаны – иги, ауузну джабылгъаны – иги.
Ашхы сёз таш тешер.
Адеби болмагъан къыз – тузсуз хант.
Бал ашаргъа сюе эсенг, чибин ургъаннга тёз.
Уллу къазанда бишген эт, чий къалмаз.
Ана къойну – балагъа джандет.
Накъырда – кертини келечиси.
Ётюрюкню башын керти кесер.
Тау башында, тау болмаз, джангыз терек, бау болмаз.
Биреуню къыйынлыгъы бла кесинге джол ишлеме.
Биреу ашаб къутулур, биреу джалаб тутулур.
Акъыллы айтыр эди, акъылсыз къоймайды.
Джарлыны эшигин махтагъан джабар.
Бёрю да ач къалмасын, эчки да ашалмасын.
Намыс болмагъан джерде, насыб болмаз.
Ачлыкъ отха секиртир.
Эски джаугъа ышанма.
Къарнынг бла ёч алма.
Ата – билек, ана – джюрек!
Хантына кёре тузу, юйюне кёре къызы.
Сёз садакъдан кючлюдю.
Къартны сыйын кёрмеген, къартлыгъында сыйлы болмаз.
Байлыкъ келсе, акъыл кетер.
Тёрени джагъы джокъ.
Ётген ёмюр – акъгъан суу.
Чабакъ башындан чирийди.
Къыз тиширыу кеси юйюнде да къонакъды.
Кёб джашагъан – кёб билир.
Ашыкъгъанны этеги бутуна чырмалыр.
Къайтырыкъ эшигинги, къаты уруб чыкъма.
Джарашыу сюйген – джалынчакъ.
Тойгъанлыкъ къойгъа джарашады.
Эллинг бла джау болсанг да, юйюнг бла джау болма.
Атлыны кёрсе, джаяуну буту талыр.
Къанны къан бла джуума, аманны аман бла къуума.
Борчунг бар эсе, хурджунунга ойлаб узал.
Аджал соруб келмез, келсе, къайтыб кетмез.
Билмейме деген – бир сёз
Дуния малгъа сатылма, кесингден телиге къатылма.
Къызын тута билмеген, тул этер, джашын тута билмеген, къул этер.
Иги болса, тамадама – махтау, аман болса, меннге – айыб.
Кёзю сокъурдан – къоркъма, кёлю сокъурдан – къоркъ.
Чакъырылмагъан къонакъ къачан кетерин сормаз.
Юй кюйдю да, кюйюз чыкъды, ортасындан тюйюш чыкъды.
Тюкюрюк баш джармаз, налат кёз чыгъармаз!
Къулакъдан эсе, кёзге ышан.
Ёлюк кебинсиз къалмаз.
Намысы джокъну – дуниясы джокъ.

Логин:
Пароль:
	Запомнить меня на этом компьютере

Забыли свой пароль?
Регистрация