- Джарлыны тону джаз битер.
- Байлыкъ тауусулур, билим тауусулмаз.
- Таула не мийик болсала да, аууш табылыр.
- Сёз къанатсыз учар.
- Бет бетге къараса, бет да джерге къарар.
- Келгинчи, къонакъ уялыр, келгенден сора, къонакъбай уялыр.
- Аманны къуугъан, аманлыкъ табар.
- Атынг аманнга чыкъгъандан эсе, джанынг тамагъынгдан чыкъсын.
- Зар адамны насыбы болмаз.
- Аман адам этегингден тутса, кес да къач.
- Терек ауса, отунчу – кёб.
- От кюйдюрген, сау болса да, тот кюйдюрген, сау болмаз.
- Акъыл сабырлыкъ берир.
- Агъач – джерни чырайы, кийим – эрни чырайы.
- Къаллай салам берсенг, аллай джууаб алырса.
- Джиби бир къат джетмей эди да, эки къат тарта эди.
- Тойгъанлыкъ къойгъа джарашады.
- Чомарт къонакъ юй иесин сыйлар.
- Тилсиз миллет джокъ болур.
- Илму – джашауну джолу.
- Иги сёз – джаннга азыкъ, аман сёз башха – къазыкъ.
- Айтхан сёзюне табылгъан.
- Аджашхан тёгерек айланыр.
- Келлик заман – къартлыкъ келтирир, кетген заман – джашлыкъ ёлтюрюр.
- Тёрени джагъы джокъ.
- Къазанда болса, чолпугъа чыгъар.
- Аман къатын алгъан, арыр, иги къатын алгъан джарыр.
- Чакъырылгъанны аты, чакъырылмагъанны багъасы болур.
- Ёксюзню къалачы уллу кёрюнюр.
- Ханнга да келеди хариблик.
- Гыдай эчки суугъа къараб, мюйюзле кёрмесе, джашма алкъын, дегенди.
- Алтыда кюлмеген, алтмышда кюлмез.
- Тамырсыз терекге таянма – джыгъылырса.
- Аманнга да, игиге да оноусуз къатышма.
- Чомарт бергенин айтмаз.
- Ашаса, ашамаса да, бёрюню ауузу – къан.
- Акъыллы эркиши атын махтар, акъылсыз эркиши къатынын махтар.
- Эртде тургъан джылкъычыны эркек аты тай табар.
- Джаным-тиним – окъуу, билим.
- Айтылгъан сёз ызына къайтмаз.
- Ашда уялгъан – мухар, ишде уялгъан – хомух.
- Джаралыны джастыгъында сау ёлюр.
- Къумурсхала джыйылсала, пилни да джыгъадыла.
- Мураты болгъанны джюрек тебюую башхады.
- Бичгенде ашыкъма, тикгенде ашыкъ.
- Элге къуллукъ этмеген, элге ие болмаз.
- Орундукъ тюбюнде атылсам да, орта джиликме, де да айлан.
- Тенгинг джокъ эсе – изле, бар эсе – сакъла!
- Байма, деб да, къууанма, джарлыма, деб да, джылама.
- Уллу суу бла уллу ауруудан башынгы сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72