- Тин – байлыгъынг, терен саулугъунг.
- Рысхы – сют юсюнде кёмюк кибикди.
- Эм ашхы къайын ана мамукъ бла башынгы тешер.
- Сагъышы джокъ – джукъучу, акъылы джокъ – къаугъачы.
- Къыйынлы джети элге оноу этер.
- Тойгъанлыкъ къойгъа джарашады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ана къолу ачытмаз.
- Байлыкъдан саулукъ ашхыды.
- Атынг аманнга чыкъгъандан эсе, джанынг тамагъынгдан чыкъсын.
- Келинни – келгинчи, бёркню кийгинчи кёр.
- Аджашханны ызындагъы кёреди, джангылгъанны джанындагъы биледи.
- Ач – эснер, ат – кишнер.
- Ким бла джюрюсенг, аны кёзю бла кёрюнюрсе.
- Юйюнг бла джау болгъандан эсе, элинг бла джау бол.
- Арыгъан къош чамчы болур.
- Билмезни кёзю кёрмез, этмезни къулагъы эшитмез.
- Билмегенинги, билгеннге сор.
- Таукел тауну аудурур.
- Сормай – алма, чакъырылмай – барма.
- Кёб къычыргъандан – къоркъма, тынч олтургъандан – къоркъ.
- Берекет берсин деген джерде, берекет болур.
- Тенгинг джокъ эсе – изле, бар эсе – сакъла!
- Джуртун къоругъан озар.
- Зар адам ашынгы ашар, кесинги сатар.
- От этилмеген джерден тютюн чыкъмайды.
- Кёз – сюйген джерде, къол – ауругъан джерде.
- Билмейме деген – бир сёз
- Акъыллы – эл иеси, тели – эл баласы.
- Сабыр джетер муратха, сабырсыз къалыр уятха.
- Юйюнгден чыкъдынг – кюнюнгден чыкъдынг.
- Джаш къарыу бла кючлю, къарт акъыл бла кючлю.
- Биреу къой излей, биреу той излей.
- Ата – баланы уясы.
- Керек ташны ауурлугъу джокъ.
- Керилген да, ургъан кибикди.
- Тилчиден кери бол.
- Телиге от эт десенг, юйюнге от салыр.
- Болджал ишни бёрю ашар.
- Къарнынг ауруса, ауузунгу тый
- Нарт сёз къарт болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Дженгил джетерикме деб, узун джолну къоюб, къысхасын барма.
- Бек ашыкъгъан меннге джетсин, дегенди аракъы.
- Сангырау къулакъ эл бузар.
- Итли къонакъ джарашмаз.
- Аш кетер да бет къалыр.
- Сёз къанатсыз учар.
- Башланнган иш битер, къымылдагъан тиш тюшер.
- Харам къарнашдан, халал тенг ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72