- Джаралыны джастыгъында сау ёлюр.
- Сормай – алма, чакъырылмай – барма.
- Билмезни кёзю кёрмез, этмезни къулагъы эшитмез.
- Игиге айтсанг – билир, аманнга айтсанг – кюлюр.
- Адебни адебсизден юрен.
- Элни кючю – эмеген.
- Уллу айтханны этмеген – уллаймаз.
- Тамбла алтындан бюгюн багъыр ашхы.
- Адам къаллай бир ишленмесе, аллай бир кесин уллу кёреди.
- Ашатыргъа иш – ашхы, ишлетирге аш – ашхы.
- Ачны эсинде – аш.
- Джыланны къуйругъундан басарынг келсе, аны башы болгъанын унутма.
- Къартха ушагъан джаш – акъыллы, джашха ушагъан къарт – тели.
- Кечеси – аяз, кюню – къыш, джарлы къаргъагъа бир аш тюш!
- Башынга джетмегенни сорма.
- Келинин тута билмеген, къул этер, къызын тута билмеген, тул этер.
- Сютню башын джалагъан къутулур, тюбюн ичген тутулур.
- Тилчиден кери бол.
- Чабакъ башындан чирийди.
- Уллу къашыкъ эрин джыртар.
- «Ёгюз, джаргъа джууукъ барма, меннге джюк боллукъса», - дегенди эшек.
- Бал – татлы, балдан да бала – татлы.
- Кёб джат да, бек чаб.
- Ач келгенни – тойдур, кеч келгенни – къондур.
- Ушамагъан – джукъмаз.
- Джукъу тёшек сайламайды.
- Кёлсюзден сёзсюз тууар.
- Олтуруб кёрюнмей эди да, ёрге туруб кёрюне эди.
- Тёгюлген тюгел джыйылмайды.
- Ата Джуртун танымагъан, атасын да танымаз.
- Кюн кёрмеген, кюн кёрсе, кюндюз чыракъ джандырыр.
- Билим – акъылны чырагъы.
- Джыгъылгъанны сырты джерден тоймаз.
- Къызбайны юйюне дери сюрсенг, батыр болур.
- Ётюрюкню башын керти кесер.
- Ётюрюкню къуйругъу – бир тутум.
- Къонакъ аман болса, къонакъбай джунчур
- Ашлыкъ – бюртюкден, джюн – тюкден.
- Мухардан ач ычхынмаз.
- Болджал ишни бёрю ашар.
- Тиширыусуз юй – отсуз от джагъа.
- Намыс болмагъан джерде, насыб болмаз.
- Чакъырылгъанны аты, чакъырылмагъанны багъасы болур.
- Ашда уялгъан – мухар, ишде уялгъан – хомух.
- Мал ёлсе, сюек къалыр, адам ёлсе, иши къалыр.
- Хансыз джомакъ болмаз.
- Кийим тукъум сордурур.
- Къарыусузгъа кюлме, онгсузгъа тийме.
- Адамны адамлыгъы къыйынлыкъда айгъакъланады.
- Телини эшигин, махтау джабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72