- Элде адам къалмаса, ит тахтагъа минер.
- Адамны бетине къарама, адетине къара.
- Адамны адамлыгъы къыйынлыкъда айгъакъланады.
- Ариу сёз аурууунгу алыр.
- Ётюрюк хапар аякъ тюбю бла джюрюйдю.
- Бети – къучакълар, джюреги – бычакълар.
- Аманнга да, игиге да оноусуз къатышма.
- Атадан ёксюз – бир ёксюз, анадан ёксюз – эки ёксюз.
- Ашха уста, юйюнде болсун
- Ауузу аманнга «иги», деме.
- Бир онгсуз адам адет чыгъарды, деб эштирик тюлсе.
- Байны къызы баймакъ болса да, юйде къалмаз!
- Аш хазыр болса, иш харам болур.
- Джумушакъ терекни къурт ашар.
- Джарлыны тону джаз битер.
- Кёбню кёрген – кёб билир.
- Сёз садакъдан кючлюдю.
- Чомарт къонакъ юй иесин сыйлар.
- Малны кют, джерни тюрт.
- Сангырау къулакъ эл бузар.
- Мураты болгъанны джюрек тебюую башхады.
- Кийиминг бла танылма, адамлыкъ бла таныл.
- Къоркъакъны кёзю экили кёрюр.
- Чакъырылмагъан къонакъ тёрге атламаз.
- Ёлген эшек бёрюден къоркъмайды.
- Адамны джюреги нени кёрюрге сюйсе, кёзю да аны кёрюрге ёч болады.
- Биреу ашаб къутулур, биреу джалаб тутулур.
- Къобан да къуру да къобханлай турмайды, адам да къуру да патчахлай турмайды.
- Джырына кёре эжиую.
- Хансыз джомакъ болмаз.
- Болджал ишни бёрю ашар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Керек ташны ауурлугъу джокъ.
- Тойгъан антын унутур.
- Уруну арты – къуру.
- Чоюнну башы ачыкъ болса, итге уят керекди.
- Тешик этген тынчды, аны джамагъан къыйынды.
- Адам сёзге тынгыла, акъыл сёзню ангыла.
- Адебни адебсизден юрен.
- Эки къатын алгъан – эки ташны ортасына башын салгъан.
- Тенгинг джокъ эсе – изле, бар эсе – сакъла!
- Къралынгы – душмандан, башынгы от бла суудан сакъла.
- Элни кючю – эмеген.
- Телиге от эт десенг, юйюнге от салыр.
- Чомарт джарлы болмаз.
- Айраннга суу къош, телиге джол бош.
- Джюрек кёзден алгъа кёрюр.
- Зар адам ашынгы ашар, кесинги сатар.
- Тюзлюк шохлукъну бегитир.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72