- Эки итни арасына сюек атма, эки адамны арасында сёз чыгъарма.
- Адамны аманы адамны бети бла ойнар.
- Аш хазыр болса, иш харам болур.
- Туз, гырджын аша, тюзлюк бла джаша.
- Акъыл къартда, джашда тюйюлдю – башдады.
- Сабыр джетер муратха, сабырсыз къалыр уятха.
- Къралынгы – душмандан, башынгы от бла суудан сакъла.
- Келинни – келгинчи, бёркню кийгинчи кёр.
- Ишге юренсин къоллары, халкъ бла болсун джоллары.
- Тулпарлыкъ, билекден тюл – джюрекден.
- Накъырданы арты керти болур.
- Тойгъан антын унутур.
- Аджаллыгъа окъсуз шкок атылыр.
- Байлыкъ тауусулур, билим тауусулмаз.
- Сыфатында болмагъаны, суратында болмаз.
- Келинин тута билмеген, къул этер, къызын тута билмеген, тул этер.
- Къан бла кирген, джан бла чыгъар.
- Биреу ашаб къутулур, биреу джалаб тутулур.
- Окъугъанны бети джарыкъ.
- Эшекни не къадар тюйсенг да, ат болмаз.
- Айранын берсенг, челегин да къызгъанма.
- Юй кюйдю да, кюйюз чыкъды, ортасындан тюйюш чыкъды.
- Къолу уллу – асыу, аягъы уллу – джарсыу.
- Эринчекни эр алмаз, эр алса да, кёл салмаз, кёл салса да, кёб бармаз!
- Келгинчи, къонакъ уялыр, келгенден сора, къонакъбай уялыр.
- Акъыллы башны – тили къысха.
- Арба аугъандан сора, джол кёргюзтюучю кёб болур.
- Булут кёкге джарашыу, уят бетге джарашыу.
- Ариу – кёзге, акъыл – джюрекге.
- Джылыгъа джылан илешир.
- Эм ашхы къайын ана мамукъ бла башынгы тешер.
- Ашха уста, юйюнде болсун
- Айран ичген – къутулду, джугъусун джалагъан – тутулду.
- Айырылмаз джууугъунга, унутмаз сёзню айтма.
- Къарыусузгъа кюлме, онгсузгъа тийме.
- Къарнынг тойгъунчу аша да, белинг талгъынчы ишле.
- Суу ичген шауданынга тюкюрме.
- Ышармагъан – кюлмез, кюлмеген – къууанчны билмез.
- Ариу сёз – джаннга азыкъ, аман сёз – башха къазыкъ.
- Таякъ этден ётер, тил сюекден ётер.
- Тура эдим джата, къайдан чыкъды хата?
- Кийимни бир кюнню аясанг, минг кюннге джарар.
- Ишни аллы бла къууанма да, арты бла къууан.
- Тойгъа алгъа да барма, тойда артха да къалма.
- Билимли ёлмез, билимсиз кёрмез.
- Аякъларынгы джууургъанынга кёре узат.
- Джырына кёре эжиую.
- Тёзгеннге, джабылгъан эшик ачылыр.
- Тил бла келеди джыр да.
- Аман къатын алгъан, арыр, иги къатын алгъан джарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72