- Байлыкъдан саулукъ ашхыды.
- Башсыз урчукъ тюзюне айланмаз.
- Аманны къуугъан, аманлыкъ табар.
- Намыс сатылыб алынмайды.
- Эм уллу байлыкъ – джан саулукъ.
- Бетинги сатма, малынгы сат.
- Тамбла алтындан бюгюн багъыр ашхы.
- Башы джабылгъан челекге, кир тюшмез.
- Ариу сёз – джаннга азыкъ, аман сёз – башха къазыкъ.
- Ётген ёмюр – акъгъан суу.
- Эрни эр этерик да, къара джер этерик да, тиширыуду.
- Арпа, будай – ащды, алтын, кюмюш а – ташды.
- Кёбню кёрген – кёб билир.
- Къулакъдан эсе, кёзге ышан.
- Азыгъы аз, алгъа къабар, аты аман, алгъа чабар.
- Эринчекни аурууу – кёб.
- Къазанчы аман болса, къазаны къайнамаз.
- Джуртун къоругъан озар.
- Ауурну тюбю бла, дженгилни башы бла джюрюген.
- Эринчекге кюн узун.
- Джеринден айырылгъан – джети джылар, джуртундан айырылгъан – ёлгюнчю джылар.
- Байлыкъ болгъан джерде, тынчлыкъ джокъду.
- Адам къаллай бир ишленмесе, аллай бир кесин уллу кёреди.
- Эринчекни эр алмаз, эр алса да, кёл салмаз, кёл салса да, кёб бармаз!
- Хар сёзню орну барды.
- Элде адам къалмаса, ит тахтагъа минер.
- Тас болгъан бычакъны сабы – алтын.
- Джумушакъ терекни къурт ашар.
- Босагъагъа джууукъ орун болса, ашыгъыб тёрге озма.
- Ёзденликни джайгъан – джокълукъ.
- Тойгъан джерден туугъан джер игиди.
- Башы ишлегенни, ауузу да ишлер.
- Алим болгъандан эсе, адам болгъан къыйынды.
- Терслик кетер, тюзлюк джетер.
- Аурууну келиую тынч, кетиую – къыйын.
- Таугъа чыгъаллыкъ эсенг, тюзде къалма.
- Адебни адебсизден юрен.
- Тилчиден кери бол.
- Ашаса, ашамаса да, бёрюню ауузу – къан.
- Баргъанынга кёре болур келгенинг.
- Киштикге къанат битсе, чыпчыкъ къалмаз эди.
- Аякъларынгы джууургъанынга кёре узат.
- Акъдан къара болмаз.
- Ёмюрлюк шохлукъну джел элтмез.
- Акъыл бла адеб эгизледиле.
- Хар адамгъа кеси миннген тау кибик.
- Бек анасы джыламаз.
- Аман адам этегингден тутса, кес да къач.
- Кесинг сынамагъан затны, адамгъа буюрма.
- Сабийликде юретмесенг, уллу болса – тюзелмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72