- Уясында не кёрсе, учханында аны этер.
- Ашхы болсанг, атынг чыгъар, аман болсанг, джанынг чыгъар.
- Адамны адамлыгъы къыйынлыкъда айгъакъланады.
- Ауузу бла къуш тута айланады.
- Тилде сюек болмаса да, сюек сындырыр.
- Сёз сёзню айтдырыр.
- Кийим тукъум сордурур.
- Байлыкъ келсе, акъыл кетер.
- Адам къыйынлыгъын кёлтюрюр, зауукълугъун кёлтюрмез.
- Къан бла кирген, джан бла чыгъар.
- Мухар, кеси тойса да, кёзю тоймаз.
- Эллинг бла джау болсанг да, юйюнг бла джау болма.
- Тамырсыз терекге таянма – джыгъылырса.
- Къайтырыкъ эшигинги, къаты уруб чыкъма.
- Кёзюнде тереги болгъан, чёбю болгъаннга кюле эди.
- Джарлы тюеге минсе да, ит къабар.
- Ач къарынны, токъ билмез
- Эл элде бирер малынг болгъандан эсе, бирер тенгинг болсун.
- Айыбны суу бла джууалмазса.
- Огъурлуну сёзю – суу, огъурсузну сёзю – уу.
- Къазанда болса, чолпугъа чыгъар.
- Къартны бурнун сюрт да, оноугъа тут.
- Алтыда кюлмеген, алтмышда кюлмез.
- Къарнынг бла ёч алма.
- Экиндини кеч къылсанг, чабыб джетер ашхам.
- Ашхы тенг джолгъа салыр, аман тенг джолдан тайдырыр.
- Уллу суу бла уллу ауруудан башынгы сакъла.
- Тай асырагъан, атха минер.
- Кёл ашады да, кеси ашады.
- Мен да «сен», дейме, сен да «кесим», дейсе.
- Ёксюзню тилеги къабыл болур.
- Адамны сабийин сюйген джюреги, бычакъча, джитиди.
- Ишге юренсин къоллары, халкъ бла болсун джоллары.
- Онгсузну – джакъла, тенгликни – сакъла.
- Джырына кёре эжиую.
- Дуния мал дунияда къалады.
- Къонакъ аман болса, къонакъбай джунчур
- Аджашхан тёгерек айланыр.
- Акъыллы башны – тили къысха.
- Игиге айтсанг – билир, аманнга айтсанг – кюлюр.
- Этни да ашады, бетни да ашады.
- Къонакъны къачан кетерин сорма, къачан келлигин сор.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эл тойса, тоймагъан, эл къойса, къоймагъан.
- Аууздан келген, къолдан келсе, ким да патчах болур эди.
- Аман адам этегингден тутса, кес да къач.
- Туз, гырджын аша, тюзлюк бла джаша.
- Билим – акъылны чырагъы.
- Этим кетсе да, сюегим къалыр.
- Хар сёзню орну барды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72