- Ат басханны джер билед.
- Къарны аманнга къазан такъдырма, къолу аманнга от джакъдырма.
- Тойгъан антын унутур.
- Байдан умут эте, джарлыдан ёгюз багъасы къорады.
- Минг тенг да азды, бир джау да кёбдю.
- Гырджын – тепсини тамадасы.
- Джетген къыз джерли эшекни танымаз.
- Къыйынлы джети элни къайгъысын этер.
- Кёб ант этген, кёб ётюрюк айтыр.
- Тил – кесген бычакъ, сёз – атылгъан окъ.
- Сёз сёзню айтдырыр.
- Берекет берсин деген джерде, берекет болур.
- Къайгъы тюбю – тенгиз.
- Суу да къайтады чыкъгъан джерине.
- Тамырсыз терекге таянма – джыгъылырса.
- Тешик этген тынчды, аны джамагъан къыйынды.
- Бек анасы джыламаз.
- Иги джашны ышаны – аз сёлешиб, кёб тынгылар.
- Джарлыны тону джаз битер.
- Эрине къаргъыш этген къатын, эрнин къабар.
- Намыс болмагъан джерде, насыб болмаз.
- Сакъалы текени да бар, мыйыгъы киштикни да бар.
- Кесинг сынамагъан затны, адамгъа буюрма.
- Кёзден кетген, кёлден да кетеди.
- Кёбден умут этиб, аздан къуру къалма.
- Суугъа – таянма, джаугъа – ийнанма.
- Байлыкъ келсе, акъыл кетер.
- Хар сёзню орну барды.
- Юреннген ауруу къалмаз.
- Кёлю джокъну – джолу джокъ.
- Адам къыйынлыгъын кёлтюрюр, зауукълугъун кёлтюрмез.
- Аманны эки битли тону болур, бирин сеннге кийдирир, бирин кеси киер.
- Терслик кетер, тюзлюк джетер.
- Эшекни не къадар тюйсенг да, ат болмаз.
- Артына баргъанны, къатына барма.
- Ашарыкъда сайлагъаннга – чий гырджын.
- Башсыз урчукъ тюзюне айланмаз.
- Махтаннган къыз, тойда джукълар.
- Сёз садакъдан кючлюдю.
- Огъурлуну сёзю – суу, огъурсузну сёзю – уу.
- Джаным-тиним – окъуу, билим.
- Кеси юйюмде мен да ханма.
- Ана кёлю – балада, бала кёлю – талада.
- Джаш болсун, къыз болсун, акъылы, саны тюз болсун.
- Келгинчи, къонакъ уялыр, келгенден сора, къонакъбай уялыр.
- Адеби болмагъан къыз – тузсуз хант.
- Эки ойлашыб, бир сёлешген.
- Къарыусузгъа кюлме, онгсузгъа тийме.
- Джахил болса анасы, не билликди баласы?
- Элге къуллукъ этмеген, элге ие болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72