Эльбрусоид :: Форум :: Архив форумов

Ёгюзню мюйюзлери ауурлукъ этмейдиле.
Сабийни джумушха джибер да, ызындан бар.
Къошда джокъгъа – юлюш джокъ.
Огъурлуну сёзю – суу, огъурсузну сёзю – уу.
Ана – юйню кюн джарыгъы.
Адеби болмагъан къыз – тузсуз хант.
Адамны адамлыгъы къыйынлыкъда айгъакъланады.
Къолу уллу – асыу, аягъы уллу – джарсыу.
Мал ёлсе, сюек къалыр, адам ёлсе, иши къалыр.
Джогъун бар этген, барын бал этген.
Къонакъ аз олтурур, кёб сынар.
Сабыр джетер муратха, сабырсыз къалыр уятха.
Эркиши – от, тиширыу – суу.
Аллахха ийнаннган кишини, Аллах онгдурур ишин.
Уллу атлама – абынырса, уллу къабма – къарылырса.
Ишленмеклик адамлыкъды.
Джыйырма къойну юч джыйырма эбзе кюте эди.
Кёл – къызбай, къол – батыр.
Джюрекден джюрекге джол барды.
Башы ишлегенни, ауузу да ишлер.
Ашда уялгъан – мухар, ишде уялгъан – хомух.
Ашха уста, юйюнде болсун
Эки къатын алгъанны къулагъы тынгнгаймаз.
Терслик кетер, тюзлюк джетер.
Билмегенинги, билгеннге сор.
Аджалсыз ёлюм болмаз.
Джарлы эскисин джамаса, къууаныр.
Айран ичген – къутулду, джугъусун джалагъан – тутулду.
Ашаса, ашамаса да, бёрюню ауузу – къан.
Кесине гебен этелмеген, биреуге черен эте эди.
Орну джокъну – сыйы джокъ.
Киштикге къанат битсе, чыпчыкъ къалмаз эди.
Чакъырылмагъан къонакъ – орунсуз.
Керилген да, ургъан кибикди.
Аджашханны ызындагъы кёреди, джангылгъанны джанындагъы биледи.
Малны кют, джерни тюрт.
Уясында не кёрсе, учханында аны этер.
Орундукъ тюбюнде атылсам да, орта джиликме, де да айлан.
Эл ауузу – элия.
Джахил болса анасы, не билликди баласы?
Бермеген къол, алмайды.
Мал кёб болса, джууукъ кёб болур.
Келинни – келгинчи, бёркню кийгинчи кёр.
Аман киши кеси юйюнде – къонакъ.
Джиби бир къат джетмей эди да, эки къат тарта эди.
Ач бёрюге мекям джокъ.
Рысхысына кёре, джаш ёсер, къышлыгъына кёре, мал ёсер.
Арба аугъандан сора, джол кёргюзтюучю кёб болур.
Сагъыш – къартлыкъгъа сюйюмчю.
Чёбню кёлтюрсенг, тюбюнден сёз чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация