- Бети бедерден, намыс сакълама.
- Кёз – сюйген джерде, къол – ауругъан джерде.
- Ёлюк кебинсиз къалмаз.
- Ата джурт – алтын бешик.
- Арыгъан къош чамчы болур.
- Эл тойса, тоймагъан, эл къойса, къоймагъан.
- Къыз чыгъаргъан – къызыл къымжа.
- Эринчекни эр алмаз, эр алса да, кёл салмаз, кёл салса да, кёб бармаз!
- Берекет берсин деген джерде, берекет болур.
- Къалгъан ишге къар джауар.
- Къартны сыйын кёрмеген, къартлыгъында сыйлы болмаз.
- Мухардан ач ычхынмаз.
- Аякъларынгы джууургъанынга кёре узат.
- Шапа кёб болса, аш татымсыз болур.
- Гырджын – тепсини тамадасы.
- Джеринден айырылгъан – джети джылар, джуртундан айырылгъан – ёлгюнчю джылар.
- Къуру гыбыт бек дыгъырдар.
- Ёлмесенг да, къарт дамы болмазса?
- Суу кетер, таш къалыр.
- Гугук кесини атын айтыб къычыргъанча, мен, мен деб нек тураса?
- Кёб къычыргъандан – къоркъма, тынч олтургъандан – къоркъ.
- Адамны бетине къарама, адетине къара.
- Мураты болгъанны джюрек тебюую башхады.
- Джылар джаш, атасыны сакъалы бла ойнар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Намыс сатылыб алынмайды.
- Тёзген – тёш ашар!
- Ашхы тенг джолгъа салыр, аман тенг джолдан тайдырыр.
- Тёрдеги кюлсе, эшикдеги ышарыр.
- Тойгъа алгъа да барма, тойда артха да къалма.
- Тенгинг джокъ эсе – изле, бар эсе – сакъла!
- Кёпюр салгъан кеси ётер, уру къазгъан кеси кетер.
- Джаным-тиним – окъуу, билим.
- Баргъанынга кёре болур келгенинг.
- Агъач халкъгъа алтынды, иссиликге салкъынды.
- Кийим тукъум сордурур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу суу бла уллу ауруудан башынгы сакъла.
- Ачны эсинде – аш.
- Хар ишни да аллы къыйынды.
- Къызбайны юйюне дери сюрсенг, батыр болур.
- Ашлыкъны арба юйге келтирир, чана базаргъа элтир.
- Ауузу аманнга «иги», деме.
- Чомартны къолун джокълукъ байлар.
- Тойгъан джерден туугъан джер игиди.
- Аман адам этегингден тутса, кес да къач.
- Бичгенде ашыкъма, тикгенде ашыкъ.
- Джашлыкъ этмеген, башлыкъ этмез.
- Ач къарным, тынч къулагъым.
- Адам туугъан джеринде, ит тойгъан джеринде.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72