- Ач уят къоймаз.
- Аджаллыгъа окъсуз шкок атылыр.
- Ашыкъгъанны этеги бутуна чырмалыр.
- Джаным-тиним – окъуу, билим.
- Ургъан суудан башынгы сакъла.
- Асхат ашлыкъ сата, юйдегиси ачдан къата.
- Тойгъан антын унутур.
- Ёгюзню мюйюзлери ауурлукъ этмейдиле.
- Джюрекден джюрекге джол барды.
- Арбаз сайлама да, хоншу сайла.
- Бет бетге къараса, бет да джерге къарар.
- Джашлыкъ этмеген, башлыкъ этмез.
- Телиге от эт десенг, юйюнге от салыр.
- Байдан умут эте, джарлыдан ёгюз багъасы къорады.
- Тёрдеги кюлсе, эшикдеги ышарыр.
- Къан бла кирген, джан бла чыгъар.
- Кёлсюзден сёзсюз тууар.
- Тешик этген тынчды, аны джамагъан къыйынды.
- Джырчы джырчыгъа – къарнаш.
- Кесине оноу эте билмеген, халкъына да эте билмез.
- Ариу сёз джыланны орнундан чыгъарыр.
- Адебни адебсизден юрен.
- Мал кёб болса, джууукъ кёб болур.
- Биреу ашаб къутулур, биреу джалаб тутулур.
- Атадан ёксюз – бир ёксюз, анадан ёксюз – эки ёксюз.
- Садакъачыны джаны – къапчыгъында.
- Кёзюнде тереги болгъан, чёбю болгъаннга кюле эди.
- Уллу къазанда бишген эт, чий къалмаз.
- Гитче джилтин уллу элни джандырыр.
- Чабакъгъа акъыл, табагъа тюшсе келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишлегенден, къарагъан уста.
- Нёгерсизни джолу узун.
- Ач – эснер, ат – кишнер.
- Тойгъа алгъа да барма, тойда артха да къалма.
- Эки къатын алгъан – эки ташны ортасына башын салгъан.
- Джылкъыдан – ат чыгъар, тукъумдан – джаш чыгъар.
- Къозулугъунда тоймагъан, къойлугъунда тоймаз.
- Экеулен сёлеше тура эселе, орталарына барыб кирме.
- Ариу сёз – къылычдан джити.
- Джарлы эскисин джамаса, къууаныр.
- Хатерли къул болур.
- Суу да къайтады чыкъгъан джерине.
- Къуллукъчума, деб махтанма, къуллукъ – хаух джамчыды!
- Баргъанынга кёре болур келгенинг.
- Юреннген ауруу къалмаз.
- Адам къаллай бир ишленмесе, аллай бир кесин уллу кёреди.
- Ёпкелегенни ашы татлы болады.
- Тойгъанлыкъ къойгъа джарашады.
- Тешигини къатында, чычхан да батыр болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72