- Зар адам ашынгы ашар, кесинги сатар.
- Акъыллы айтыр эди, акъылсыз къоймайды.
- Чомартны къолун джокълукъ байлар.
- Тил бла келеди джыр да.
- Айтханы чапыракъдан ётмеген.
- Айранны сюйген, ийнек тутар.
- Ёксюзню тилеги къабыл болур.
- Хар зат кесини орнуна иги.
- Эл бла кёргенинг эрелей.
- Кёзю сокъурдан – къоркъма, кёлю сокъурдан – къоркъ.
- Биреуню тёрюнден, кесинги эшик артынг игиди.
- Тюзлюк тас болмайды.
- Иесиз малны бёрю ашар.
- Таула не мийик болсала да, аууш табылыр.
- Башланнган иш битер, къымылдагъан тиш тюшер.
- Къобан да къуру да къобханлай турмайды, адам да къуру да патчахлай турмайды.
- Ата – баланы уясы.
- Айныгъанлы алты кюн, тогъайгъанлы тогъуз кюн.
- Джангыз торгъай джырламаз.
- Кеси юйюмде мен да ханма.
- Ишлегенде эринме, ишде чолакъ кёрюнме.
- Тойчу джашха къарама, къойчу джашха къара.
- Билген билмегенни юретген адетди.
- Игини сыйлагъан адетди.
- Ашхы атаны – джашы ашхы, ашхы ананы – къызы ашхы.
- Дуния мал дунияда къалады.
- Байлыкъ тауусулур, билим тауусулмаз.
- Акъыл неден да кючлюдю.
- Кёзюнде тереги болгъан, чёбю болгъаннга кюле эди.
- Акъыллы эркиши атын махтар, акъылсыз эркиши къатынын махтар.
- Этни да ашады, бетни да ашады.
- Айтхан сёзюне табылгъан.
- Джан саулукъ бермей, сан саулукъ бермезсе.
- Сабий болмагъан джерде, мёлек болмаз.
- Кёлсюзден сёзсюз тууар.
- Ариу сёз – джаннга азыкъ, аман сёз – башха къазыкъ.
- Къызбайны юйюне дери сюрсенг, батыр болур.
- Къайтырыкъ эшигинги, къаты уруб чыкъма.
- Тюкюрюк баш джармаз, налат кёз чыгъармаз!
- Къатыны харакетли болса, эри къымсыз болур.
- Къазанны башы ачыкъ болса, итге уят керекди.
- Сёз къанатсыз учар.
- Дууулдаса – бал чибин, къонса – къара чибин.
- Айраннга суу къош, телиге джол бош.
- Ариу джол аджал келтирмез.
- Акъылсызны джууукъгъа алма, акъыллыны кенгнге салма.
- Тёгюлген тюгел джыйылмайды.
- Чомартны къолу берекет.
- Эшекге миннген – биринчи айыб, андан джыгъылгъан – экинчи айыб.
- Сёлеш деб шай берген, тохта деб, сом берген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72