- Акъыл сабырлыкъ берир.
- Акъыллы эркиши атын махтар, акъылсыз эркиши къатынын махтар.
- Огъурлуну сёзю – суу, огъурсузну сёзю – уу.
- Тёрени джагъы джокъ.
- Уллу сёлешме да, уллу къаб.
- Ана къолу ачытмаз.
- Итли къонакъ джарашмаз.
- Кёзден кетген, кёлден да кетеди.
- Джиби бир къат джетмей эди да, эки къат тарта эди.
- Ариу сёз – джаннга азыкъ, аман сёз – башха къазыкъ.
- Кёпюр салгъан кеси ётер, уру къазгъан кеси кетер.
- Бир онгсуз адам адет чыгъарды, деб эштирик тюлсе.
- Джыгъылгъанны сырты джерден тоймаз.
- Чакъырылмагъан къонакъ къачан кетерин сормаз.
- Босагъагъа джууукъ орун болса, ашыгъыб тёрге озма.
- Юйлю уругъа ит чабмаз.
- Кёбню кёрген – кёб билир.
- Соргъан айыб тюлдю, билмеген айыбды.
- Биреу къой излей, биреу той излей.
- Ётюрюкню башын керти кесер.
- Тилде сюек болмаса да, сюек сындырыр.
- Кёзю сокъурдан – къоркъма, кёлю сокъурдан – къоркъ.
- Адебсиз адам – джюгенсиз ат.
- Айтылгъан сёз ызына къайтмаз.
- Джарлыны тону джаз битер.
- Аман адам этегингден тутса, кес да къач.
- Ачлыкъда тары гырджын халыуадан татлы.
- Эл элде бирер малынг болгъандан эсе, бирер тенгинг болсун.
- Тау башында, тау болмаз, джангыз терек, бау болмаз.
- Харам къарнашдан, халал тенг ашхы.
- Тойгъан джерге джети къайт.
- Халкъгъа джарагъан, джарлы къалмаз.
- Болджал ишни бёрю ашар.
- Кечеси – аяз, кюню – къыш, джарлы къаргъагъа бир аш тюш!
- Джюрек кёзден алгъа кёрюр.
- Ишни ахырын ойламай, аллын башлама.
- Суу кетер, таш къалыр.
- Элде адам къалмаса, ит тахтагъа минер.
- Ышармагъан – кюлмез, кюлмеген – къууанчны билмез.
- Ата – баланы уясы.
- Телиге акъыл салгъандан эсе, ёлгеннге джан салырса.
- Ашхы болсанг, атынг чыгъар, аман болсанг, джанынг чыгъар.
- Чакъырылмагъан къонакъ – орунсуз.
- Окъдан джара эртде-кеч болса да бителир, сёз джара, ёмюрге къалыр.
- Тай асырагъан, атха минер.
- Босагъа таш юйге кирмей эди, тыбыр таш эшикге чыкъмай эди.
- Къарнынг бла ёч алма.
- Къызын тута билмеген, тул этер, джашын тута билмеген, къул этер.
- Ашхы адам – халкъ байлыгъы, ашхы джер – джашау байлыгъы.
- Аз айтсам, кёб ангылагъыз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72