- Таякъ этден ётер, тил сюекден ётер.
- Урама да – ёледи, сатама да – келеди.
- Къарт болгъан джерде, берекет болур, сабий болгъан джерде, оюн болур.
- Гитче джилтин уллу элни джандырыр.
- Дуния малгъа сатылма, кесингден телиге къатылма.
- Адамны сабийин сюйген джюреги, бычакъча, джитиди.
- Къанны къан бла джуума, аманны аман бла къуума.
- Татлы тилде – сёз ариу, чемер къолда – иш ариу.
- Мен да «сен», дейме, сен да «кесим», дейсе.
- Къоркъакъны кёзю экили кёрюр.
- «Ма», - дегенни билмесенг, «бер», - дегенни билмезсе.
- Ётюрюк хапар аякъ тюбю бла джюрюйдю.
- Къулакъдан эсе, кёзге ышан.
- Эркиши – от, тиширыу – суу.
- Ёгюзню мюйюзюнден тутадыла, адамны сёзюнден тутадыла.
- Ишлегенде эринме, ишде чолакъ кёрюнме.
- Джол бла сёзню къыйыры джокъ.
- Келгинчи, къонакъ уялыр, келгенден сора, къонакъбай уялыр.
- Тилчи тилден къаныкъмаз.
- Дуния аламаты сен эсенг да, игиме деб айтма.
- Татлы сёз – балдан татлы.
- Ауругъан – джашаудан умутчу.
- Бойнуму джети джерден кессенг да, мен ол ишни этеллик тюлме.
- Ашда – бёрю, ишде – ёлю.
- Окъумагъан сокъурду, сокъур ташха абыныр!
- Сыфатында болмагъаны, суратында болмаз.
- Билмейме деген – бир сёз
- Таукелге нюр джауар.
- Тюкюрюк баш джармаз, налат кёз чыгъармаз!
- Зарда марда джокъ.
- Эте билген, этген этеди, эте билмеген, юретген этеди!
- Къонакъ болсанг, ийнакъ бол.
- Тас болгъан бычакъны сабы – алтын.
- Джашлыкъ этмеген, башлыкъ этмез.
- Ач къарным, тынч къулагъым.
- Ариу сёз аурууунгу алыр.
- Гугурук къычырмаса да, тангны атары къалмаз.
- Къошда джокъгъа – юлюш джокъ.
- Кесинге джетмегенни, кёб сёлешме.
- Джырчы ёлсе, джыры къалыр.
- Аджашханны ызындагъы кёреди, джангылгъанны джанындагъы биледи.
- Кеси юйюмде мен да ханма.
- Суугъа – чабакъ, къаягъа – ыргъакъ.
- Ётген ёмюр – акъгъан суу.
- Ач къарынны, токъ билмез
- Нёгерсизни джолу узун.
- Ойнай билмеген, уруб къачар.
- Джюрек кёзден алгъа кёрюр.
- Тёзгеннге, джабылгъан эшик ачылыр.
- Чакъырылмагъан къонакъ тёрге атламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72