- Тёрени джагъы джокъ.
- Кюл тюбюндеги от кёрюнмейди.
- Тилде сюек болмаса да, сюек сындырыр.
- Ётюрюкню къуйругъу – бир тутум.
- Тилчи тилден къаныкъмаз.
- Арба аугъандан сора, джол кёргюзтюучю кёб болур.
- Эки элинги тыйсанг, джети элде махталырса.
- Ашхы тенг джолгъа салыр, аман тенг джолдан тайдырыр.
- Ач къарынны, токъ билмез
- Джуртун къоругъан озар.
- Аманны тукъумуна къарама, игини тукъумун сорма.
- Аджал соруб келмез, келсе, къайтыб кетмез.
- Келинин тута билмеген, къул этер, къызын тута билмеген, тул этер.
- Накъырда – кертини келечиси.
- Болджал ишни бёрю ашар.
- Кёзден кетген, кёлден да кетеди.
- Эки итни арасына сюек атма, эки адамны арасында сёз чыгъарма.
- Эки ойлашыб, бир сёлешген.
- Чыбыкълыкъда бюгюлмеген, къазыкълыкъда бюгюлмей эди.
- Ёксюзню къалачы уллу кёрюнюр.
- Билимсиз иш бармаз.
- Къарт айтханны этмеген, къартаймаз.
- Сангырау къулакъ эл бузар.
- Гыдай эчки суугъа къараб, мюйюзле кёрмесе, джашма алкъын, дегенди.
- Чомартны къолу берекет.
- Джырына кёре эжиую.
- Садакъачыны джаны – къапчыгъында.
- Ата джурт – алтын бешик.
- Башда акъыл болмаса, эки аякъгъа кюч джетер.
- Чакъырылмагъан къонакъ – орунсуз.
- Джылкъыдан – ат чыгъар, тукъумдан – джаш чыгъар.
- Ата – билек, ана – джюрек!
- Мал кёб болса, джууукъ кёб болур.
- Башланнган иш битер, къымылдагъан тиш тюшер.
- Баланы адам этген анады.
- Аман къатын сабий табса, бий болур…
- Биреуге аманлыкъ этиб, кесинге игилик табмазса.
- Билген билмегенни юретген адетди.
- Азыгъы аз, алгъа къабар, аты аман, алгъа чабар.
- Сёз – кюмюш, джыр – алтын.
- Ата Джуртуму башы болмасам да, босагъасында ташы болайым.
- Къолунгдан къуймакъ ашатсанг да, атаны борчундан къутулмазса.
- Къошда джокъгъа – юлюш джокъ.
- Тёрде – темир таякълы, къаяда – чыпчыкъ аякълы.
- Ашыкъгъан cуу, тенгизге джетмез.
- Ачыкъ джюрекге джол – ачыкъ.
- Суу да къайтады чыкъгъан джерине.
- Къайтырыкъ эшигинги, къаты уруб чыкъма.
- Къарын къуру болса, джюрек уру болур.
- Артына баргъанны, къатына барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72