- Сабийликде юретмесенг, уллу болса – тюзелмез.
- Ашыкъгъан cуу, тенгизге джетмез.
- Ашда – бёрю, ишде – ёлю.
- Билими азны – ауузунда кирит.
- Эшекге миннген – биринчи айыб, андан джыгъылгъан – экинчи айыб.
- Ашыкъгъанны этеги бутуна чырмалыр.
- Атлыны ашхысы, ат тизгининден билинир
- Зар адам ашынгы ашар, кесинги сатар.
- Билгенни къолу къарны джандырыр.
- Ишге юренсин къоллары, халкъ бла болсун джоллары.
- Кёзню ачылгъаны – иги, ауузну джабылгъаны – иги.
- Айранны сюйген, ийнек тутар.
- Окъдан джара эртде-кеч болса да бителир, сёз джара, ёмюрге къалыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Аякъларынгы джууургъанынга кёре узат.
- Ач къарным, тынч къулагъым.
- Къар – келтирди, суу – элтди.
- Чабар ат – джетген къыз.
- Адамны артындан къара сабан сюрме.
- Татлы сёз – балдан татлы.
- Эрине къаргъыш этген къатын, эрнин къабар.
- Ата – билек, ана – джюрек!
- Эрни эр этерик да, къара джер этерик да, тиширыуду.
- Баш – акъыл ючюн, акъылман – халкъ ючюн.
- Акъыллы эркиши атын махтар, акъылсыз эркиши къатынын махтар.
- Ариуну – ауруу кёб.
- Арбаз къынгырды да, ийнек сауалмайма.
- Терек ауса, отунчу – кёб.
- Хар зат кесини орнуна иги.
- Ишни аллы бла къууанма да, арты бла къууан.
- Сибиртки да сыйлы болду, кюрек да кюнлю болду.
- Тилчи тилден къаныкъмаз.
- Тойгъан антын унутур.
- Джолда аягъынга сакъ бол, ушакъда тилинге сакъ бол.
- Кесинг сынамагъан затны, адамгъа буюрма.
- Сабий кёргенин унутмаз.
- Джумушакъ терекни къурт ашар.
- Ата Джуртуму башы болмасам да, босагъасында ташы болайым.
- Джаш болсун, къыз болсун, акъылы, саны тюз болсун.
- Сууда джау джокъ, кёб сёзде магъана джокъ.
- Кёбню кёрген – кёб билир.
- От этилмеген джерден тютюн чыкъмайды.
- Къолу уллу – асыу, аягъы уллу – джарсыу.
- Ашын ашагъанынгы, башын да сыйла.
- Элге къуллукъ этмеген, элге ие болмаз.
- Джаш къарыу бла кючлю, къарт акъыл бла кючлю.
- Чыкълы кюнде чыкъмагъан, чыкъса къуру кирмеген.
- Элде адам къалмаса, ит тахтагъа минер.
- Къуллукъчума, деб махтанма, къуллукъ – хаух джамчыды!
- Биреуню эскиси биреуге джангы болмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72