- Аш берме да, къаш бер.
- Уллу суу бла уллу ауруудан башынгы сакъла.
- Аякъларынгы джууургъанынга кёре узат.
- Ач отунчуну ачыуу – бурнунда.
- Ашатыргъа иш – ашхы, ишлетирге аш – ашхы.
- Билеги кючлю, бирни джыгъар, билими кючлю, мингни джыгъар.
- Байлыкъдан саулукъ ашхыды.
- Тил – кесген бычакъ, сёз – атылгъан окъ.
- Къатыны харакетли болса, эри къымсыз болур.
- Тилчи тилден къаныкъмаз.
- Джангызны оту джарыкъ джанмаз!
- Къобан да къуру да къобханлай турмайды, адам да къуру да патчахлай турмайды.
- Аууздан келген, къолдан келсе, ким да патчах болур эди.
- Кесинге джетмегенни, кёб сёлешме.
- Джарлыны эшигин махтагъан джабар.
- Джумушакъ сёз къаты таякъны сындырыр.
- Мал ёлсе, сюек къалыр, адам ёлсе, иши къалыр.
- Сёз къанатсыз учар.
- Кёбге таш атма.
- Къызбайны юйюне дери сюрсенг, батыр болур.
- Кёбню кёрген – кёб билир.
- Окъуусуз билим – джокъ, билимсиз кюнюнг – джокъ.
- Иши джокъну, сыйы джокъ.
- Къайтырыкъ эшигинги, къаты уруб чыкъма.
- Кюлме джашха – келир башха.
- Чабакъ башындан чирийди.
- Джиби бир къат джетмей эди да, эки къат тарта эди.
- Келинин тута билмеген, къул этер, къызын тута билмеген, тул этер.
- Нафысынгы айтханын этме, намысынгы айтханын эт.
- Халкъны юйю – туугъан джери.
- Эринчекни аурууу – кёб.
- Берекет берсин деген джерде, берекет болур.
- Къолунгдан къуймакъ ашатсанг да, атаны борчундан къутулмазса.
- Адеби болмагъан къыз – тузсуз хант.
- Башынга джетмегенни сорма.
- Ётюрюкчюню шагъаты – къатында.
- Къайгъы тюбю – тенгиз.
- Аман эсирсе, юйюн ояр.
- Джол бла сёзню къыйыры джокъ.
- Уясында не кёрсе, учханында аны этер.
- Шапа кёб болса, аш татымсыз болур.
- Байлыкъ болгъан джерде, тынчлыкъ джокъду.
- Адебни адебсизден юрен.
- Алим болгъандан эсе, адам болгъан къыйынды.
- Бир онгсуз адам адет чыгъарды, деб эштирик тюлсе.
- Таш ата билмеген, башына урур.
- Тай асырагъан, атха минер.
- Ёзденликни джайгъан – джокълукъ.
- Аууз сакълагъан – джан сакълар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72