- Джарлыны эшигин махтагъан джабар.
- Билим ат болуб да чабар, къуш болуб да учар.
- Дуния аламаты сен эсенг да, игиме деб айтма.
- Джаз бир кюнню джатсанг, къыш талай кюнню абынырса.
- Ашхы тенг джолгъа салыр, аман тенг джолдан тайдырыр.
- Ариу – кёзге, акъыл – джюрекге.
- Таукелге нюр джауар.
- Джыгъылгъанны сырты джерден тоймаз.
- Билим – акъылны чырагъы.
- Келинни – келгинчи, бёркню кийгинчи кёр.
- Керилген да, ургъан кибикди.
- Ачлыкъ отха секиртир.
- Эте билген, этген этеди, эте билмеген, юретген этеди!
- Къартны сыйын кёрмеген, къартлыгъында сыйлы болмаз.
- Джылкъыдан – ат чыгъар, тукъумдан – джаш чыгъар.
- Билеги кючлю, бирни джыгъар, билими кючлю, мингни джыгъар.
- Игилик игилик бла сингдирилиучю затды.
- Чакъырылмагъан къонакъ тёрге атламаз.
- Сакъалы текени да бар, мыйыгъы киштикни да бар.
- Тил джюрекге джол ишлейди.
- Чабар ат – джетген къыз.
- Башда акъыл болмаса, эки аякъгъа кюч джетер.
- Илму – джашауну джолу.
- Акъыллы – эл иеси, тели – эл баласы.
- Ишлегенден, къарагъан уста.
- Кюл тюбюндеги от кёрюнмейди.
- Джаным-тиним – окъуу, билим.
- Чакъырылгъанны аты, чакъырылмагъанны багъасы болур.
- Къонагъынгы артмагъын алма да, алгъышын ал.
- Билгенни къолу къарны джандырыр.
- Ашына кёре табагъы, балына кёре къалагъы.
- Эл тойса, тоймагъан, эл къойса, къоймагъан.
- Иги сёз – джаннга азыкъ, аман сёз башха – къазыкъ.
- Билмегенинги, билгеннге сор.
- Тенгни тенглиги джашай барсанг билинир.
- Нёгер болсанг, тенг бол, тенг болмасанг, кенг бол.
- Аманны тукъумуна къарама, игини тукъумун сорма.
- Ичимден чыкъды хата, къайры барайым сата?
- От кюйдюрген, сау болса да, тот кюйдюрген, сау болмаз.
- Ётюрюкчюню шагъаты – къатында.
- Кютгени беш эчки, сызгъыргъаны уа, джерни джарады.
- Юйюнг бла джау болгъандан эсе, элинг бла джау бол.
- Насыб бютеу халкъны юлюшюдю.
- Нарт сёз – тилни бети.
- Арпа, будай – ащды, алтын, кюмюш а – ташды.
- Чомартны къолун джокълукъ байлар.
- Къонакъ хазыр болгъанлыкъгъа, къонакъбай хазыр тюлдю.
- Артына баргъанны, къатына барма.
- Айтханы чапыракъдан ётмеген.
- Урунуу – насыбны анасы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72