- Ёзденликни джайгъан – джокълукъ.
- Къайгъы тюбю – тенгиз.
- Къартха ушагъан джаш – акъыллы, джашха ушагъан къарт – тели.
- Танг атмайма десе да, кюн къоярыкъ тюйюлдю.
- Аман къатын алгъан, арыр, иги къатын алгъан джарыр.
- Иги – алгъыш этер, аман – къаргъыш этер.
- Айран тёгюлсе, джугъусу къалыр.
- Тойну къарнашы – харс, джырны къарнашы – эжиу.
- Къазанчы аман болса, къазаны къайнамаз.
- Бек ашыкъгъан меннге джетсин, дегенди аракъы.
- Келинни – келгинчи, бёркню кийгинчи кёр.
- Ушамагъан – джукъмаз.
- Ашатыргъа иш – ашхы, ишлетирге аш – ашхы.
- Джети тилни билген джети кишиди.
- Тойгъан антын унутур.
- Джол бла сёзню къыйыры джокъ.
- Суу ичген шауданынга тюкюрме.
- Ойнаб айтсанг да, эслеб айт.
- Ёмюрлюк шохлукъну джел элтмез.
- Таугъа чыгъаллыкъ эсенг, тюзде къалма.
- Берекет берсин деген джерде, берекет болур.
- Джырчы ёлсе, джыры къалыр.
- Кесине оноу эте билмеген, халкъына да эте билмез.
- Биреу къой излей, биреу той излей.
- Сабий болмагъан джерде, мёлек болмаз.
- Аз сёлешген, къайгъысыз турур.
- Сабийликде юретмесенг, уллу болса – тюзелмез.
- Чомарт джарлы болмаз.
- Тамырсыз терекге таянма – джыгъылырса.
- Джюрекге ариу – кёзге да ариу.
- Халкъны джырын джырласанг, халкъ санга эжиу этер.
- Джаш болсун, къыз болсун, акъылы, саны тюз болсун.
- Джахил болса анасы, не билликди баласы?
- Ауругъаннга – кийик саулукъ, джетген къызгъа – чилле джаулукъ.
- Аллахха ийнаннган кишини, Аллах онгдурур ишин.
- Ашхы тенг джолгъа салыр, аман тенг джолдан тайдырыр.
- Эллинг бла джау болсанг да, юйюнг бла джау болма.
- Келинин тута билмеген, къул этер, къызын тута билмеген, тул этер.
- Иги адам абынса да, джангылмаз.
- Байдан умут эте, джарлыдан ёгюз багъасы къорады.
- Ачны эсинде – аш.
- Башда акъыл болмаса, эки аякъгъа кюч джетер.
- Акъдан къара болмаз.
- Ана кёлю – балада, бала кёлю – талада.
- Ишленмеген джаш – джюгенсиз ат, ишленмеген къыз – тузсуз хант.
- Ата Джуртуму башы болмасам да, босагъасында ташы болайым.
- Джарлы эскисин джамаса, къууаныр.
- Тёзгеннге, джабылгъан эшик ачылыр.
- Адебни адебсизден юрен.
- Окъдан джара эртде-кеч болса да бителир, сёз джара, ёмюрге къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72