- Ачылгъан эт джабылыр, кёрген кёз унутмаз.
- Ата – баланы уясы.
- Магъанасыз сёз – тауушсуз сыбызгъы.
- Кёб ант этген, кёб ётюрюк айтыр.
- Элге къуллукъ этмеген, элге ие болмаз.
- Адамны сыфатына къарама, сёзюне къара.
- Юйюнг бла джау болгъандан эсе, элинг бла джау бол.
- Асхат ашлыкъ сата, юйдегиси ачдан къата.
- Аз сёлешген, къайгъысыз турур.
- Келинни – келгинчи, бёркню кийгинчи кёр.
- Адамны бетине къарама, адетине къара.
- Джаш къарыу бла кючлю, къарт акъыл бла кючлю.
- Халкъны юйю – туугъан джери.
- Башланнган иш битер, къымылдагъан тиш тюшер.
- Ишге юренсин къоллары, халкъ бла болсун джоллары.
- Ишни аллы бла къууанма да, арты бла къууан.
- Ауурну тюбю бла, дженгилни башы бла джюрюген.
- Аш берме да, къаш бер.
- Ёксюзню тилеги къабыл болур.
- Тели турса – той бузар.
- Билимли ёлмез, билимсиз кёрмез.
- Джетген къыз джерли эшекни танымаз.
- Къазанчы аман болса, къазаны къайнамаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Игилик игилик бла сингдирилиучю затды.
- Биреуню къыйынлыгъы бла кесинге джол ишлеме.
- Айтылгъан сёз ызына къайтмаз.
- Байны оноуу, джарлыгъа джарамаз.
- Джашлыкъ этмеген, башлыкъ этмез.
- Алтыда кюлмеген, алтмышда кюлмез.
- Биреуню тёрюнден, кесинги эшик артынг игиди.
- Биреу ашаб къутулур, биреу джалаб тутулур.
- Ач – эснер, ат – кишнер.
- Таш ата билмеген, башына урур.
- Чакъырылмай келген къонакъ сыйланмай кетер.
- Биреуге кёлтюрген таягъынг, кесинги башынга урур.
- Къазанда болса, чолпугъа чыгъар.
- Джолунга кёре – джюрюшюнг, джагъанга кёре – юлюшюнг.
- Ёпкелегенни ашы татлы болады.
- Чабакъсыз кёлге къармакъ салгъанлыкъгъа, чабакъ тутмазса.
- Айтханы чапыракъдан ётмеген.
- Чакъырылмагъан къонакъ тёрге атламаз.
- Чомарт джарлы болмаз.
- Аманнга алтын чыдамаз.
- Тенгинг джокъ эсе – изле, бар эсе – сакъла!
- Ашына кёре табагъы, балына кёре къалагъы.
- Aдам боллукъ, сыфатындан белгили.
- Тилде сюек болмаса да, сюек сындырыр.
- Эки ойлашыб, бир сёлешген.
- Адебсиз адам – джюгенсиз ат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72