- Ётген ёмюр – акъгъан суу.
- Эл ауузу – элек, анга ийнаннган – халек.
- Ёксюзню къалачы уллу кёрюнюр.
- Кёлю джокъну – джолу джокъ.
- Уллу сёзде уят джокъ.
- Элде адам къалмаса, ит тахтагъа минер.
- Арбаз сайлама да, хоншу сайла.
- Чомартха Тейри да борчлуду.
- Минг тенг да азды, бир джау да кёбдю.
- Адамны адамлыгъы къыйынлыкъда айгъакъланады.
- Суу да къайтады чыкъгъан джерине.
- Кесинг сынамагъан затны, адамгъа буюрма.
- Къыз тиширыу кеси юйюнде да къонакъды.
- Биреуню эскиси биреуге джангы болмайды.
- Хунаны тюбюн къазсанг, юсюнге ауар.
- Аякъларынгы джууургъанынга кёре узат.
- Ашатыргъа иш – ашхы, ишлетирге аш – ашхы.
- Ишин билген, аны сыйын чыгъарады.
- Джиби бир къат джетмей эди да, эки къат тарта эди.
- Къая джолда джортма, ачыкъ сёзден къоркъма.
- Къызын тута билмеген, тул этер, джашын тута билмеген, къул этер.
- Тура эдим джата, къайдан чыкъды хата?
- Ёлген ийнек сютлю болур.
- Джетген къыз джерли эшекни танымаз.
- Акъыл аздырмаз, билим тоздурмаз.
- Джаш болсун, къыз болсун, акъылы, саны тюз болсун.
- Тешигини къатында, чычхан да батыр болур.
- Аджалсыз ёлюм болмаз.
- Къонакъны къачан кетерин сорма, къачан келлигин сор.
- Мени джылытмагъан кюн, меннге тиймесин!
- Нёгерсизни джолу узун.
- Билмезни кёзю кёрмез, этмезни къулагъы эшитмез.
- Эринчекге кюн узун.
- Акъыллы башны – тили къысха.
- Къонагъы джокъну – шоху джокъ.
- Уллу айтханны этмеген – уллаймаз.
- Ёгюзню мюйюзюнден тутадыла, адамны сёзюнден тутадыла.
- Чомарт бергенин айтмаз.
- Иши джокъну, сыйы джокъ.
- Иги адамны бир сёзю эки болмаз.
- Эки къатын алгъанны къулагъы тынгнгаймаз.
- Таукелге нюр джауар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тюз сёз баргъан сууну тыяр.
- Алим болгъандан эсе, адам болгъан къыйынды.
- Биреуге кёлтюрген таягъынг, кесинги башынга урур.
- Къаллай салам берсенг, аллай джууаб алырса.
- Телиге акъыл салгъандан эсе, ёлгеннге джан салырса.
- Арба аугъандан сора, джол кёргюзтюучю кёб болур.
- Адамны аты башхача, акъылы да башхады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72