- Хата – гитчеден.
- Тенгинг джокъ эсе – изле, бар эсе – сакъла!
- Тилчи тилден къаныкъмаз.
- Чабакъгъа акъыл, табагъа тюшсе келеди.
- Кёлю джокъну – джолу джокъ.
- Байны къызы баймакъ болса да, юйде къалмаз!
- Уллу атлама – абынырса, уллу къабма – къарылырса.
- Иги адам абынса да, джангылмаз.
- Атадан ёксюз – бир ёксюз, анадан ёксюз – эки ёксюз.
- Ашлыкъ – бюртюкден, джюн – тюкден.
- Къазанда болса, чолпугъа чыгъар.
- Джахил болса анасы, не билликди баласы?
- Тойну къарнашы – харс, джырны къарнашы – эжиу.
- Эринчекни эр алмаз, эр алса да, кёл салмаз, кёл салса да, кёб бармаз!
- Онгсузну – джакъла, тенгликни – сакъла.
- Тура эдим джата, къайдан чыкъды хата?
- Ёзденликни кёбю ётюрюк.
- Мал тутхан – май джалар.
- Бетинги сатма, малынгы сат.
- Билимден уллу байлыкъ джокъду.
- Къобан да къуру да къобханлай турмайды, адам да къуру да патчахлай турмайды.
- Аз айтсам, кёб ангылагъыз.
- Тёрде – темир таякълы, къаяда – чыпчыкъ аякълы.
- Тай асырагъан, атха минер.
- Къонакъ кёб келюучю юйню, къазаны отдан тюшмез.
- Адеб джокъда, намыс джокъ.
- Ёгюзню мюйюзлери ауурлукъ этмейдиле.
- Элге къуллукъ этмеген, элге ие болмаз.
- Джукъу тёшек сайламайды.
- Биреуню тёрюнден, кесинги эшик артынг игиди.
- Джырчы ёлсе, джыры къалыр.
- Айранны сюйген, ийнек тутар.
- Итли къонакъ джарашмаз.
- Акъдан къара болмаз.
- Адеб этмеген, адеб кёрмез.
- Чыкълы кюнде чыкъмагъан, чыкъса къуру кирмеген.
- Байлыкъ болгъан джерде, тынчлыкъ джокъду.
- Нарт сёз къарт болмаз.
- Бёрю да ач къалмасын, эчки да ашалмасын.
- Кирсизни – саны таза, халалны – къаны таза.
- Ышармагъан – кюлмез, кюлмеген – къууанчны билмез.
- Эли джокъну – кёлю джокъ.
- Эм ашхы къайын ана мамукъ бла башынгы тешер.
- Акъыллы – эл иеси, тели – эл баласы.
- Уллу къашыкъ эрин джыртар.
- Ётюрюкден тюбю джокъ, кёлтюрюрге джиби джокъ.
- Дуния мал дунияда къалады.
- Ачлыкъ отха секиртир.
- Байлыкъдан саулукъ ашхыды.
- Адам сёзге тынгыла, акъыл сёзню ангыла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72