- Акъдан къара болмаз.
- Рысхы – сют юсюнде кёмюк кибикди.
- Сёз сёзню айтдырыр.
- Айранын берсенг, челегин да къызгъанма.
- Уллу суу бла уллу ауруудан башынгы сакъла.
- Аш хазыр болса, иш харам болур.
- Ётюрюкден тюбю джокъ, кёлтюрюрге джиби джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эски джаугъа ышанма.
- Аллахха ийнаннган кишини, Аллах онгдурур ишин.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Башы джабылгъан челекге, кир тюшмез.
- Джан саулукъ бермей, сан саулукъ бермезсе.
- Джюрекден джюрекге джол барды.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишленмеклик адамлыкъды.
- Эки къатын алгъанны къулагъы тынгнгаймаз.
- Аш кетер да бет къалыр.
- Тёрени джагъы джокъ.
- Ариу сёз – джаннга азыкъ, аман сёз – башха къазыкъ.
- Мухар, кеси тойса да, кёзю тоймаз.
- Арба аугъандан сора, джол кёргюзтюучю кёб болур.
- Джюрек кёзден алгъа кёрюр.
- Акъылсызны джууукъгъа алма, акъыллыны кенгнге салма.
- Кёкдеги болмаса, джердегин кёрмейди.
- Ач да бол, токъ да бол – намысынга бек бол.
- Сёз къанатсыз учар.
- Кёл – къызбай, къол – батыр.
- Джаным-тиним – окъуу, билим.
- Аман къатын сабий табса, бий болур…
- Окъуу – билимни ачхычы, окъуу – дунияны бачхычы.
- Къууут – джелге, берне – бошха.
- Итли къонакъ джарашмаз.
- Тиширыусуз юй – отсуз от джагъа.
- Чабакъсыз кёлге къармакъ салгъанлыкъгъа, чабакъ тутмазса.
- Кёзюнде тереги болгъан, чёбю болгъаннга кюле эди.
- Мадар болса, къадар болур.
- Арбаз сайлама да, хоншу сайла.
- Кийимни бир кюнню аясанг, минг кюннге джарар.
- Тойну къарнашы – харс, джырны къарнашы – эжиу.
- Къанны къан бла джуума, аманны аман бла къуума.
- Къонакъ аз олтурур, кёб сынар.
- Тойчу джашха къарама, къойчу джашха къара.
- Акъыллы – эл иеси, тели – эл баласы.
- Къралынгы – душмандан, башынгы от бла суудан сакъла.
- Таула не мийик болсала да, аууш табылыр.
- Башда акъыл болмаса, эки аякъгъа кюч джетер.
- Адамны аты башхача, акъылы да башхады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72