- Башсыз урчукъ тюзюне айланмаз.
- Къайгъыны сюйген, къайгъы табар.
- Этек чакъмакълары баш джаргъан, сёлешген сёзлери таш джаргъан.
- Адамны сабийин сюйген джюреги, бычакъча, джитиди.
- Бал чибинни ургъаны – ачы, балы – татлы.
- Адамны бетине къарама, адетине къара.
- Атлыны кёрсе, джаяуну буту талыр.
- Харам къарнашдан, халал тенг ашхы.
- От этилмеген джерден тютюн чыкъмайды.
- Бек анасы джыламаз.
- Ач отунчуну ачыуу – бурнунда.
- Хар адамгъа кеси миннген тау кибик.
- Кёбге таш атма.
- Юй ишлеген балта эшикде къалыр.
- Бюгюн дуния кибик, тамбла ахыратды.
- Тамчы таш тешер.
- Сакъламагъан затынга джолукъсанг, не бек къууанаса, не бек ачыйса.
- Бичгенде ашыкъма, тикгенде ашыкъ.
- Ёксюзню тилеги къабыл болур.
- Джарашыу сюйген – джалынчакъ.
- Сёз садакъдан кючлюдю.
- Ётюрюк хапар аякъ тюбю бла джюрюйдю.
- Телиге акъыл салгъандан эсе, ёлгеннге джан салырса.
- Айырылмаз джууугъунга, унутмаз сёзню айтма.
- Келинни – келгинчи, бёркню кийгинчи кёр.
- Ашлыкъны арба юйге келтирир, чана базаргъа элтир.
- Эркишиге тары кебек танг кёрюнюр.
- Ётюрюкден тюбю джокъ, кёлтюрюрге джиби джокъ.
- Ашда – бёрю, ишде – ёлю.
- Аджашханны ызындагъы кёреди, джангылгъанны джанындагъы биледи.
- Джарлыны эшигин махтагъан джабар.
- Тилчиден кери бол.
- Ач – эснер, ат – кишнер.
- Орну джокъну – сыйы джокъ.
- Башы джабылгъан челекге, кир тюшмез.
- Рысхысына кёре, джаш ёсер, къышлыгъына кёре, мал ёсер.
- Кёзю сокъурдан – къоркъма, кёлю сокъурдан – къоркъ.
- Эм уллу байлыкъ – джан саулукъ.
- Акъыллы айтыр эди, акъылсыз къоймайды.
- Чомарт бергенин айтмаз.
- Къарт болгъан джерде, берекет болур, сабий болгъан джерде, оюн болур.
- Адеб базарда сатылмаз.
- Адебсиз адам – джюгенсиз ат.
- Терслик кетер, тюзлюк джетер.
- Мени джылытмагъан кюн, меннге тиймесин!
- Иги джашны ышаны – аз сёлешиб, кёб тынгылар.
- Адам туугъан джеринде, ит тойгъан джеринде.
- Джахил болса анасы, не билликди баласы?
- Гырджын – тепсини тамадасы.
- Ата – билек, ана – джюрек!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72