- Кесинг сынамагъан затны, адамгъа буюрма.
- Билген билмегенни юретген адетди.
- Минг тенг да азды, бир джау да кёбдю.
- Аман адам этегингден тутса, кес да къач.
- Эм уллу байлыкъ – джан саулукъ.
- Ётюрюкчюню шагъаты – къатында.
- Адебсиз адам – джюгенсиз ат.
- Акъыл къартда, джашда тюйюлдю – башдады.
- Ашхы сёз таш тешер.
- Къар – келтирди, суу – элтди.
- Къулакъдан эсе, кёзге ышан.
- Эки ойлашыб, бир сёлешген.
- Тюзлюк шохлукъну бегитир.
- Чакъырылгъанны аты, чакъырылмагъанны багъасы болур.
- Биреу къой излей, биреу той излей.
- Таукелге нюр джауар.
- Окъумагъан сокъурду, сокъур ташха абыныр!
- Юй кюйдю да, кюйюз чыкъды, ортасындан тюйюш чыкъды.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауузу аманнга «иги», деме.
- Тау башында, тау болмаз, джангыз терек, бау болмаз.
- Къыз келсе, джумуш эте келеди, къатын келсе, ушакъ эте келеди.
- Бермеген къол, алмайды.
- Онгсузну – джакъла, тенгликни – сакъла.
- Окъ къызбайны джокълайды.
- Ач къарным, тынч къулагъым.
- Сёлеш деб шай берген, тохта деб, сом берген.
- Тыш элде солтан болгъандан эсе, кесинги элде олтан болгъан игиди!
- Накъырда – кертини келечиси.
- Ишлегенде эринме, ишде чолакъ кёрюнме.
- Кийиминг бла танылма, адамлыкъ бла таныл.
- Рысхысына кёре, джаш ёсер, къышлыгъына кёре, мал ёсер.
- Аллахха ийнаннган кишини, Аллах онгдурур ишин.
- Байлыкъ адамны сокъур этер.
- Душманны тышы – акъ, ичи – къара.
- Ашхы адам – халкъ байлыгъы, ашхы джер – джашау байлыгъы.
- Татлы тилде – сёз ариу, чемер къолда – иш ариу.
- Мал тутхан – май джалар.
- Акъылсызны джууукъгъа алма, акъыллыны кенгнге салма.
- Адеб этмеген, адеб кёрмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауузу бла къуш тута айланады.
- Болджал ишни бёрю ашар.
- Къан бла кирген, джан бла чыгъар.
- Насыблы элин сюер, насыбсыз кесин сюер.
- Харам къарнашдан, халал тенг ашхы.
- Ана къолу ачытмаз.
- Ханнга да келеди хариблик.
- Уллу сёлешме да, уллу къаб.
- Къатыны харакетли болса, эри къымсыз болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72