Эльбрусоид :: Форум :: Архив форумов

Шекер бла туз – бир болмаз, ушамагъан – юй болмаз.
Халкъгъа джарагъан, джарлы къалмаз.
Ат да турмайды бир териде.
Хоншуну тауугъу къаз кёрюнюр, келини къыз кёрюнюр.
Тели турса – той бузар.
Къызгъанчдан ычхыныр, мухардан ычхынмаз.
Адам къыйынлыгъын кёлтюрюр, зауукълугъун кёлтюрмез.
Бал ашаргъа сюе эсенг, чибин ургъаннга тёз.
Хансыз джомакъ болмаз.
Иги сеники эсе да, сюйген кесимикин этеме.
Къоркъакъны кёзю экили кёрюр.
Кёпюр салгъан кеси ётер, уру къазгъан кеси кетер.
Ишни аллы бла къууанма да, арты бла къууан.
Баргъанынга кёре болур келгенинг.
Аш иеси бла татлыды.
Кечеси – аяз, кюню – къыш, джарлы къаргъагъа бир аш тюш!
Ёзденликни джайгъан – джокълукъ.
Айтханы чапыракъдан ётмеген.
Ашхы сёз таш тешер.
Къарт болгъан джерде, берекет болур, сабий болгъан джерде, оюн болур.
Ата Джуртуму башы болмасам да, босагъасында ташы болайым.
Юреннген ауруу къалмаз.
Алма терегинден кери кетмез.
Ана – юйню кюн джарыгъы.
Зарда марда джокъ.
Джюрекге ариу – кёзге да ариу.
Суугъа – таянма, джаугъа – ийнанма.
Асхат ашлыкъ сата, юйдегиси ачдан къата.
«Ма», - дегенни билмесенг, «бер», - дегенни билмезсе.
Къанны къан бла джуума, аманны аман бла къуума.
Миллетни бойну – базыкъ, аны бла кюрешген – джазыкъ.
Джумушакъ сёз къаты таякъны сындырыр.
Къулакъдан эсе, кёзге ышан.
Этни да ашады, бетни да ашады.
Джаш болсун, къыз болсун, акъылы, саны тюз болсун.
Тешик этген тынчды, аны джамагъан къыйынды.
Байлыкъ адамны сокъур этер.
Билген билмегенни юретген адетди.
Сакъалы текени да бар, мыйыгъы киштикни да бар.
Ашыкъгъанны этеги бутуна чырмалыр.
Къызбайны юйюне дери сюрсенг, батыр болур.
Ана кёлю – балада, бала кёлю – талада.
Ойнай-ойнай кёз чыгъар.
Элде адам къалмаса, ит тахтагъа минер.
Билим насыб берир, билим джолну керир.
Юйюнгден чыкъдынг – кюнюнгден чыкъдынг.
Акъылсызны джууукъгъа алма, акъыллыны кенгнге салма.
Чабакъ башындан чирийди.
Башы джабылгъан челекге, кир тюшмез.
Кёб ант этген, кёб ётюрюк айтыр.

Логин:
Пароль:
	Запомнить меня на этом компьютере

Забыли свой пароль?
Регистрация