- Тиширыусуз юй – отсуз от джагъа.
- Билим насыб берир, билим джолну керир.
- Элде адам къалмаса, ит тахтагъа минер.
- Адамны аманы адамны бети бла ойнар.
- Борчунг бар эсе, хурджунунга ойлаб узал.
- Ётюрюк хапар аякъ тюбю бла джюрюйдю.
- Арба аугъандан сора, джол кёргюзтюучю кёб болур.
- Мадар болса, къадар болур.
- Тилде сюек болмаса да, сюек сындырыр.
- Арыгъан къош чамчы болур.
- Татлы тилде – сёз ариу, чемер къолда – иш ариу.
- Адамны аты башхача, акъылы да башхады.
- Ачлыкъда тары гырджын халыуадан татлы.
- Керти сёзге тёре джокъ.
- Тилчи тилден къаныкъмаз.
- Арбаз сайлама да, хоншу сайла.
- Аллахха ийнаннган кишини, Аллах онгдурур ишин.
- Айныгъанлы алты кюн, тогъайгъанлы тогъуз кюн.
- Къайгъы тюбю – тенгиз.
- Олтуруб кёрюнмей эди да, ёрге туруб кёрюне эди.
- Мал тутхан – май джалар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Баш – акъыл ючюн, акъылман – халкъ ючюн.
- Ашда уялгъан – мухар, ишде уялгъан – хомух.
- Уллу суу бла уллу ауруудан башынгы сакъла.
- Къарнынг тойгъунчу аша да, белинг талгъынчы ишле.
- Ёлюр джаннга, ёкюл джокъ.
- Билмегенинги, билгеннге сор.
- Нарт сёз – тилни бети.
- Намысы джокъну – дуниясы джокъ.
- Суу кетер, таш къалыр.
- Асхат ашлыкъ сата, юйдегиси ачдан къата.
- Магъанасыз сёз – тауушсуз сыбызгъы.
- Экеулен сёлеше тура эселе, орталарына барыб кирме.
- Намысы болмагъанны, сыйы болмаз.
- Ашхы тенг джолгъа салыр, аман тенг джолдан тайдырыр.
- Сабийликде юретмесенг, уллу болса – тюзелмез.
- Ёксюзню къалачы уллу кёрюнюр.
- Эл элде бирер малынг болгъандан эсе, бирер тенгинг болсун.
- Аууз сакълагъан – джан сакълар.
- Ёлген эшек бёрюден къоркъмайды.
- Чомартха хар кюн да байрамды.
- Баш болса, бёрк табылыр.
- Тойгъа барсанг, тоюб бар, эски тонунгу къоюб бар.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъыл бла адеб эгизледиле.
- Къыз келсе, джумуш эте келеди, къатын келсе, ушакъ эте келеди.
- Хунаны тюбюн къазсанг, юсюнге ауар.
- Башсыз урчукъ тюзюне айланмаз.
- Минг тенг да азды, бир джау да кёбдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72