- Эки элинги тыйсанг, джети элде махталырса.
- Адам сёзге тынгыла, акъыл сёзню ангыла.
- Айырылмаз джууугъунга, унутмаз сёзню айтма.
- Эм уллу байлыкъ – джан саулукъ.
- Туз, гырджын аша, тюзлюк бла джаша.
- Ёлген ийнек сютлю болур.
- Джарлыны эшигин махтагъан джабар.
- Эринчекни эр алмаз, эр алса да, кёл салмаз, кёл салса да, кёб бармаз!
- Тынгылагъан тынгы бузар.
- От кюйдюрген, сау болса да, тот кюйдюрген, сау болмаз.
- Байлыкъ болгъан джерде, тынчлыкъ джокъду.
- Джырына кёре эжиую.
- Тили узунну, намысы – къысха.
- Кёл – къызбай, къол – батыр.
- Айранны сюйген, ийнек тутар.
- Суу кетер, таш къалыр.
- Къоркъакъны кёзю экили кёрюр.
- Бойнуму джети джерден кессенг да, мен ол ишни этеллик тюлме.
- Юй кюйдю да, кюйюз чыкъды, ортасындан тюйюш чыкъды.
- Аллахха ийнаннган кишини, Аллах онгдурур ишин.
- Мухар, кеси тойса да, кёзю тоймаз.
- Кийим тукъум сордурур.
- Джангыз терек къынгыр ёсер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аш хазыр болса, иш харам болур.
- Аман киши кеси юйюнде – къонакъ.
- Эллинг бла джау болсанг да, юйюнг бла джау болма.
- Чомартха хар кюн да байрамды.
- Къуру гыбыт бек дыгъырдар.
- Акъыллы эркиши атын махтар, акъылсыз эркиши къатынын махтар.
- Къартны сыйын кёрмеген, къартлыгъында сыйлы болмаз.
- Гугук кесини атын айтыб къычыргъанча, мен, мен деб нек тураса?
- Аууздан келген, къолдан келсе, ким да патчах болур эди.
- Уллу къазанда бишген эт, чий къалмаз.
- Ариу сёз – джаннга азыкъ, аман сёз – башха къазыкъ.
- Узун джолну барсанг, бюгюн келирсе, къысха джолну барсанг, тамбла келирсе.
- Зар адамны насыбы болмаз.
- Ашаса, ашамаса да, бёрюню ауузу – къан.
- Тюкюрюк баш джармаз, налат кёз чыгъармаз!
- Баш – акъыл ючюн, акъылман – халкъ ючюн.
- Ач къарынны, токъ билмез
- Тюзлюк тас болмайды.
- Къонакъ аз олтурур, кёб сынар.
- Сёз садакъдан кючлюдю.
- Чалманны аллы къалай башланса, арты да алай барады.
- Ёзденликни джайгъан – джокълукъ.
- Джигер – джаннга къыйынлыкъ.
- Дууулдаса – бал чибин, къонса – къара чибин.
- Чёбню кёлтюрсенг, тюбюнден сёз чыгъар.
- Сангырау къулакъ эл бузар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72