Эльбрусоид :: Форум :: Архив форумов

Юре билмеген ит, къонакъ келтирир.
Джумушакъ терекни къурт ашар.
Къызын тута билмеген, тул этер, джашын тута билмеген, къул этер.
Биреуню эскиси биреуге джангы болмайды.
Термилгенинги табмазса, кюлгенинге тюберсе.
Битмегеннге сакъал – танг.
Чомартны къолу берекет.
Ойнай билмеген, уруб къачар.
Эм уллу байлыкъ – джан саулукъ.
Аман адам этегингден тутса, кес да къач.
Бичгенде ашыкъма, тикгенде ашыкъ.
Биреу ашаб къутулур, биреу джалаб тутулур.
Джумушакъ сёз къаты таякъны сындырыр.
Ана къойну – балагъа джандет.
Аууз сакълагъан – джан сакълар.
Эм ашхы къайын ана мамукъ бла башынгы тешер.
Кёбден умут этиб, аздан къуру къалма.
Джукъу тёшек сайламайды.
Бюгюн дуния кибик, тамбла ахыратды.
Таш ата билмеген, башына урур.
Сормай – алма, чакъырылмай – барма.
Мен да «сен», дейме, сен да «кесим», дейсе.
Кимни – тили, тиши онглу, кимни – къолу, иши онглу.
Тамбла алтындан бюгюн багъыр ашхы.
Ёнгкюч къууана барыр, джылай келир.
Элиб деген, элге болушур.
Оюмсуз атлагъан, аджалсыз ёлюр.
Окъугъан – асыу, окъумагъан – джарсыу.
Къаллай салам берсенг, аллай джууаб алырса.
Кесине гебен этелмеген, биреуге черен эте эди.
Эшекге миннген – биринчи айыб, андан джыгъылгъан – экинчи айыб.
Чакъырылмагъан къонакъ – орунсуз.
Джюрекге ариу – кёзге да ариу.
Иги сёз – джаннга азыкъ, аман сёз башха – къазыкъ.
Бозанг болмагъан джерге, къалагъынгы сукъма.
Башынга джетмегенни сорма.
Юйюнгден чыкъдынг – кюнюнгден чыкъдынг.
Билген билмегенни юретген адетди.
Уллу суу бла уллу ауруудан башынгы сакъла.
Тёзгеннге, джабылгъан эшик ачылыр.
Хантына кёре тузу, юйюне кёре къызы.
Аман киши кеси юйюнде – къонакъ.
Адам боллукъ, атламындан белгили болур.
Адамны адамлыгъы къыйынлыкъда айгъакъланады.
Акъыл аздырмаз, билим тоздурмаз.
Бастасын ашагъан, хантусун да ичер.
Уллу къашыкъ эрин джыртар.
Кёлю джокъну – джолу джокъ.
Тёрдеги кюлсе, эшикдеги ышарыр.
Кеси юйюмде мен да ханма.

Логин:
Пароль:
	Запомнить меня на этом компьютере

Забыли свой пароль?
Регистрация