- Джангыз торгъай джырламаз.
- Адамны джюреги нени кёрюрге сюйсе, кёзю да аны кёрюрге ёч болады.
- Тойну къарнашы – харс, джырны къарнашы – эжиу.
- Аман къатын алгъан, арыр, иги къатын алгъан джарыр.
- Къая джолда джортма, ачыкъ сёзден къоркъма.
- Ёпкелегенни ашы татлы болады.
- Къонакъ хазыр болгъанлыкъгъа, къонакъбай хазыр тюлдю.
- Биреу ашаб къутулур, биреу джалаб тутулур.
- Адеб этмеген, адеб кёрмез.
- Эки къатын алгъан – эки ташны ортасына башын салгъан.
- Кёбден умут этиб, аздан къуру къалма.
- Экиндини кеч къылсанг, чабыб джетер ашхам.
- Эртде тургъан бла эртде юйленнген сокъуранмаз.
- Кёб къычыргъандан – къоркъма, тынч олтургъандан – къоркъ.
- Ойнай-ойнай кёз чыгъар.
- Ач – эснер, ат – кишнер.
- Тойгъандан сора, ашны сёкме.
- Ашда уялгъан – мухар, ишде уялгъан – хомух.
- Телиге акъыл салгъандан эсе, ёлгеннге джан салырса.
- Аууздан келген, къолдан келсе, ким да патчах болур эди.
- Ётген ёмюр – акъгъан суу.
- Уллу айтханны этмеген – уллаймаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къаллай салам берсенг, аллай джууаб алырса.
- Джангыз терек къынгыр ёсер.
- Джигер – джаннга къыйынлыкъ.
- Чомарт бергенин айтмаз.
- Ёлюк кебинсиз къалмаз.
- Кесине оноу эте билмеген, халкъына да эте билмез.
- Аджаллыгъа окъсуз шкок атылыр.
- Иги сёз – джаннга азыкъ, аман сёз башха – къазыкъ.
- Аурууну келиую тынч, кетиую – къыйын.
- Сабыр джетер муратха, сабырсыз къалыр уятха.
- Эски джаугъа ышанма.
- Билимсиз иш бармаз.
- Тилчи тилден къаныкъмаз.
- Къулакъдан эсе, кёзге ышан.
- Къан бла кирген, джан бла чыгъар.
- Тин – байлыгъынг, терен саулугъунг.
- Минг тенг да азды, бир джау да кёбдю.
- Итли къонакъ джарашмаз.
- Эки ойлашыб, бир сёлешген.
- Чыкълы кюнде чыкъмагъан, чыкъса къуру кирмеген.
- Тура эдим джата, къайдан чыкъды хата?
- Джылар джаш, атасыны сакъалы бла ойнар.
- Тыш элде солтан болгъандан эсе, кесинги элде олтан болгъан игиди!
- Элни кючю – эмеген.
- Келгинчи, къонакъ уялыр, келгенден сора, къонакъбай уялыр.
- Акъыллы эркиши атын махтар, акъылсыз эркиши къатынын махтар.
- Ашхы – джыяр, аман – джояр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72