- Кесинг сынамагъан затны, адамгъа буюрма.
- Джангызны оту джарыкъ джанмаз!
- Ачыкъ джюрекге джол – ачыкъ.
- Джыгъылгъанны сырты джерден тоймаз.
- Накъырда – кертини келечиси.
- Юй кюйдю да, кюйюз чыкъды, ортасындан тюйюш чыкъды.
- Адеб этмеген, адеб кёрмез.
- Тил джюрекге джол ишлейди.
- Ариу сёз джыланны орнундан чыгъарыр.
- Хатерли къул болур.
- Уллу къазанда бишген эт, чий къалмаз.
- Асхат ашлыкъ сата, юйдегиси ачдан къата.
- Къыйынлы джети элге оноу этер.
- Чабакъсыз кёлге къармакъ салгъанлыкъгъа, чабакъ тутмазса.
- Бек анасы джыламаз.
- Биреуге аманлыкъны тилеме да, кесинге ашхылыкъны тиле.
- Къонакъ аз олтурур, кёб сынар.
- Аууздан келген, къолдан келсе, ким да патчах болур эди.
- Ариу сёз – къылычдан джити.
- Ауузу бла къуш тута айланады.
- Бал ашаргъа сюе эсенг, чибин ургъаннга тёз.
- Къарнынг ауруса, ауузунгу тый
- Кёбден умут этиб, аздан къуру къалма.
- Тёрде – темир таякълы, къаяда – чыпчыкъ аякълы.
- Артына баргъанны, къатына барма.
- Гитче джилтин уллу элни джандырыр.
- Ашлыкъ – бюртюкден, джюн – тюкден.
- Сормай – алма, чакъырылмай – барма.
- Иги – алгъыш этер, аман – къаргъыш этер.
- Ач – эснер, ат – кишнер.
- Къозулугъунда тоймагъан, къойлугъунда тоймаз.
- Ёмюрлюк шохлукъну джел элтмез.
- Мухарны эси – ашарыкъда.
- Бети къызарыучу адамны, джюреги харам болмаз.
- Ойнай-ойнай кёз чыгъар.
- Аман адам этегингден тутса, кес да къач.
- Къуру гыбыт бек дыгъырдар.
- Ёгюзню мюйюзюнден тутадыла, адамны сёзюнден тутадыла.
- Чакъырылмагъан джерге барма, чакъырылгъан джерден къалма.
- Суугъа – таянма, джаугъа – ийнанма.
- Тамчы таш тешер.
- Кёрмегеннге кебек – танг, битмегеннге сакъал – танг.
- Татлы тилде – сёз ариу, чемер къолда – иш ариу.
- Аш берме да, къаш бер.
- Иги адам абынса да, джангылмаз.
- Ариуну – ауруу кёб.
- Тойгъан джерден туугъан джер игиди.
- Къонакъны къачан кетерин сорма, къачан келлигин сор.
- Джарлыны тону джаз битер.
- Сибиртки да сыйлы болду, кюрек да кюнлю болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72