- Ата – билек, ана – джюрек!
- Ашхы тенг джолгъа салыр, аман тенг джолдан тайдырыр.
- Къайтырыкъ эшигинги, къаты уруб чыкъма.
- Азыгъы аз, алгъа къабар, аты аман, алгъа чабар.
- Нарт сёз къарт болмаз.
- Ёлген эшек бёрюден къоркъмайды.
- Орну джокъну – сыйы джокъ.
- Адеб этмеген, адеб кёрмез.
- Уллу къазанда бишген эт, чий къалмаз.
- Берекет берсин деген джерде, берекет болур.
- Башда акъыл болмаса, эки аякъгъа кюч джетер.
- Танг атмайма десе да, кюн къоярыкъ тюйюлдю.
- Нарт сёз – тилни бети.
- Къаллай салам берсенг, аллай джууаб алырса.
- Хансыз джомакъ болмаз.
- Кийиминг бла танылма, адамлыкъ бла таныл.
- Сабыр джетер муратха, сабырсыз къалыр уятха.
- Ёнгкюч къууана барыр, джылай келир.
- Сагъыш – къартлыкъгъа сюйюмчю.
- Къууут – джелге, берне – бошха.
- Игиге айтсанг – билир, аманнга айтсанг – кюлюр.
- Эли джокъну – кёлю джокъ.
- Джылыгъа джылан илешир.
- Чабакъсыз кёлге къармакъ салгъанлыкъгъа, чабакъ тутмазса.
- Къыз чыгъаргъан – къызыл къымжа.
- Адамны адамлыгъы къыйынлыкъда айгъакъланады.
- Сакъламагъан затынга джолукъсанг, не бек къууанаса, не бек ачыйса.
- Къарт болгъан джерде, берекет болур, сабий болгъан джерде, оюн болур.
- Ишни аллы бла къууанма да, арты бла къууан.
- Уясында не кёрсе, учханында аны этер.
- Ашхы атаны – джашы ашхы, ашхы ананы – къызы ашхы.
- Таш бла ургъанны, аш бла ур.
- Джан саулукъ бермей, сан саулукъ бермезсе.
- Суу кетер, таш къалыр.
- Хазыр ашха – терен къашыкъ.
- Сагъышы джокъ – джукъучу, акъылы джокъ – къаугъачы.
- Тулпарлыкъ, билекден тюл – джюрекден.
- Сёз садакъдан кючлюдю.
- Билими азны – ауузунда кирит.
- Ётюрюкчюню шагъаты – къатында.
- Аман адамны тепсинге олтуртсанг, къызынгы тилер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кечеси – аяз, кюню – къыш, джарлы къаргъагъа бир аш тюш!
- Ач къарным, тынч къулагъым.
- Минг тенг да азды, бир джау да кёбдю.
- Адамны джюреги нени кёрюрге сюйсе, кёзю да аны кёрюрге ёч болады.
- Ауурну тюбю бла, дженгилни башы бла джюрюген.
- Зарда марда джокъ.
- Джол бла сёзню къыйыры джокъ.
- Эрине къаргъыш этген къатын, эрнин къабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72