- Эринчекге кюн узун.
- Ашхылыкъ джерде джатмайды, аманлыкъ суугъа батмайды.
- Ишлерге уял да, ашаргъа табма.
- Байлыкъ тауусулур, билим тауусулмаз.
- Ач – эснер, ат – кишнер.
- Джылыгъа джылан илешир.
- Юй ишлеген балта эшикде къалыр.
- Кёзю сокъурдан – къоркъма, кёлю сокъурдан – къоркъ.
- Эл элде бирер малынг болгъандан эсе, бирер тенгинг болсун.
- Орну джокъну – сыйы джокъ.
- Чакъырылмай келген къонакъ сыйланмай кетер.
- Къыйынлы джети элни къайгъысын этер.
- Кёрмегеннге кебек – танг, битмегеннге сакъал – танг.
- Элни кючю – эмеген.
- Чакъырылмагъан къонакъ къачан кетерин сормаз.
- Халкъны юйю – туугъан джери.
- Ким бла джюрюсенг, аны кёзю бла кёрюнюрсе.
- Кёб джашагъан – кёб билир.
- Къарнынг тойгъунчу аша да, белинг талгъынчы ишле.
- Сибиртки да сыйлы болду, кюрек да кюнлю болду.
- Ханы къызы буюгъа-буюгъа киштик болду.
- Мен да «сен», дейме, сен да «кесим», дейсе.
- Ашхы атаны – джашы ашхы, ашхы ананы – къызы ашхы.
- Ата Джуртун танымагъан, атасын да танымаз.
- Таукел адам тау тешер.
- «Ма», - дегенни билмесенг, «бер», - дегенни билмезсе.
- Джыланны къуйругъундан басарынг келсе, аны башы болгъанын унутма.
- Ургъан суудан башынгы сакъла.
- Кёбге таш атма.
- Аз сёлешген, къайгъысыз турур.
- Суу кетер, таш къалыр.
- Адеб этмеген, адеб кёрмез.
- Къая джолда джортма, ачыкъ сёзден къоркъма.
- Уруну арты – къуру.
- Къуллукъчума, деб махтанма, къуллукъ – хаух джамчыды!
- Келинин тута билмеген, къул этер, къызын тута билмеген, тул этер.
- Аш берме да, къаш бер.
- Адамны бетине къарама, адетине къара.
- Мал тутхан – май джалар.
- Билмейме деген – бир сёз
- Байлыкъ адамны сокъур этер.
- Ойнай билмеген, уруб къачар.
- Джаным-тиним – окъуу, билим.
- Эркиши – от, тиширыу – суу.
- Къралынгы – душмандан, башынгы от бла суудан сакъла.
- Суугъа – таянма, джаугъа – ийнанма.
- Кюл тюбюндеги от кёрюнмейди.
- Татлы тилде – сёз ариу, чемер къолда – иш ариу.
- Эки къатын алгъан – эки ташны ортасына башын салгъан.
- Ашхы сёз таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72