- Окъугъан озар, окъумагъан тозар.
- Ариу – кёзге, акъыл – джюрекге.
- Аууздан келген, къолдан келсе, ким да патчах болур эди.
- Юй кюйдю да, кюйюз чыкъды, ортасындан тюйюш чыкъды.
- Зарда марда джокъ.
- Ёзденликни кёбю ётюрюк.
- Къарт болгъан джерде, берекет болур, сабий болгъан джерде, оюн болур.
- Кийимни бир кюнню аясанг, минг кюннге джарар.
- Къобан да къуру да къобханлай турмайды, адам да къуру да патчахлай турмайды.
- Ариу сёз аурууунгу алыр.
- Сыфатында болмагъаны, суратында болмаз.
- Къаллай салам берсенг, аллай джууаб алырса.
- Хансыз джомакъ болмаз.
- Билим ат болуб да чабар, къуш болуб да учар.
- Тёрени джагъы джокъ.
- Къонагъынгы артмагъын алма да, алгъышын ал.
- Акъдан къара болмаз.
- Ашда – бёрю, ишде – ёлю.
- Гугурук къычырмаса да, тангны атары къалмаз.
- Джиби бир къат джетмей эди да, эки къат тарта эди.
- Билгенни къолу къарны джандырыр.
- Туз, гырджын аша, тюзлюк бла джаша.
- Къыз келсе, джумуш эте келеди, къатын келсе, ушакъ эте келеди.
- Тойгъан антын унутур.
- Намыс болмагъан джерде, насыб болмаз.
- Эр сокъур болсун, къатын тилсиз болсун.
- Тиширыусуз юй – отсуз от джагъа.
- Къонакъ хазыр болгъанлыкъгъа, къонакъбай хазыр тюлдю.
- Ариуну – ауруу кёб.
- Джылар джаш, атасыны сакъалы бла ойнар.
- Шапа кёб болса, аш татымсыз болур.
- Келгинчи, къонакъ уялыр, келгенден сора, къонакъбай уялыр.
- Атадан ёксюз – бир ёксюз, анадан ёксюз – эки ёксюз.
- Ёзденликни джайгъан – джокълукъ.
- Тюкюрюк баш джармаз, налат кёз чыгъармаз!
- Асхат ашлыкъ сата, юйдегиси ачдан къата.
- Эл ауузу – элек, анга ийнаннган – халек.
- Айтханы чапыракъдан ётмеген.
- Адамгъа аман кюн соруб келмейди.
- Эркиши – от, тиширыу – суу.
- «Ёгюз, джаргъа джууукъ барма, меннге джюк боллукъса», - дегенди эшек.
- Баш болса, бёрк табылыр.
- Аман адамны тепсинге олтуртсанг, къызынгы тилер.
- Эте билген, этген этеди, эте билмеген, юретген этеди!
- Кёзню ачылгъаны – иги, ауузну джабылгъаны – иги.
- Ишлегенден, къарагъан уста.
- Ашха уста, юйюнде болсун
- Ач бёрюге мекям джокъ.
- Джаш болсун, къыз болсун, акъылы, саны тюз болсун.
- Айырылмаз джууугъунга, унутмаз сёзню айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72