- Олтуруб кёрюнмей эди да, ёрге туруб кёрюне эди.
- Къарт айтханны этмеген, къартаймаз.
- Джарашыу сюйген – джалынчакъ.
- Къарыусузгъа кюлме, онгсузгъа тийме.
- Джашынгы кесинг юретмесенг, джашау юретир.
- Эте билген, этген этеди, эте билмеген, юретген этеди!
- Керек ташны ауурлугъу джокъ.
- Къартха ушагъан джаш – акъыллы, джашха ушагъан къарт – тели.
- Башда акъыл болмаса, эки аякъгъа кюч джетер.
- Кесинге джетмегенни, кёб сёлешме.
- Аууздан келген, къолдан келсе, ким да патчах болур эди.
- Ариу сёз – джаннга азыкъ, аман сёз – башха къазыкъ.
- Булут кёкге джарашыу, уят бетге джарашыу.
- Тойгъанлыкъ къойгъа джарашады.
- Чакъырылмагъан къонакъ къачан кетерин сормаз.
- Ата – билек, ана – джюрек!
- Джашны джигитлиги сорулур, къызны джигерлиги сорулур.
- Аш кетер да бет къалыр.
- Ана къолу ачытмаз.
- Тынгылагъан тынгы бузар.
- Терслик кетер, тюзлюк джетер.
- Ауругъанны сау билмез, ач къарынны токъ билмез.
- Ёзденликни кёбю ётюрюк.
- Кёзю сокъурдан – къоркъма, кёлю сокъурдан – къоркъ.
- Аш берме да, къаш бер.
- Джашлыкъ этмеген, башлыкъ этмез.
- Кийимни бичсенг, кенг бич, тар этген къыйын тюлдю.
- Чыкълы кюнде чыкъмагъан, чыкъса къуру кирмеген.
- Уллу сёлешме да, уллу къаб.
- Эм уллу байлыкъ – джан саулукъ.
- Джарлы эскисин джамаса, къууаныр.
- Билгенни къолу къарны джандырыр.
- Керилген да, ургъан кибикди.
- Нафысынгы айтханын этме, намысынгы айтханын эт.
- Шапа кёб болса, аш татымсыз болур.
- Хар сёзню орну барды.
- Мураты болгъанны джюрек тебюую башхады.
- Эл бла кёргенинг эрелей.
- Джангызны оту джарыкъ джанмаз!
- Джарлыны тону джаз битер.
- Къумурсхала джыйылсала, пилни да джыгъадыла.
- Таугъа чыгъаллыкъ эсенг, тюзде къалма.
- Минг тенг да азды, бир джау да кёбдю.
- Бал – татлы, балдан да бала – татлы.
- Биреу ашаб къутулур, биреу джалаб тутулур.
- Адамны аты башхача, акъылы да башхады.
- Джылар джаш, атасыны сакъалы бла ойнар.
- Мухар, кеси тойса да, кёзю тоймаз.
- Ишлегенден, къарагъан уста.
- Ким бла джюрюсенг, аны кёзю бла кёрюнюрсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72