- Уллу атлама – абынырса, уллу къабма – къарылырса.
- Тешик этген тынчды, аны джамагъан къыйынды.
- Къатын къылыкъсыз, эр тынчлыкъсыз.
- Тилсиз миллет джокъ болур.
- Адебсиз адам – джюгенсиз ат.
- Джолда аягъынга сакъ бол, ушакъда тилинге сакъ бол.
- Хар ишни да аллы къыйынды.
- Аллахха ийнаннган кишини, Аллах онгдурур ишин.
- Тин – байлыгъынг, терен саулугъунг.
- Кёб ант этген, кёб ётюрюк айтыр.
- Урунуу – насыбны анасы.
- Къазанчы аман болса, къазаны къайнамаз.
- Чыбыкълыкъда бюгюлмеген, къазыкълыкъда бюгюлмей эди.
- Хаухну атма, ёнгкючню сатма.
- Джаханимни кёрмей, джандетге кёл салмазса.
- Ётюрюкню башын керти кесер.
- Къарт айтханны этмеген, къартаймаз.
- Акъыл къартда, джашда тюйюлдю – башдады.
- Аман хансны – урлугъу кёб.
- Кёз – сюйген джерде, къол – ауругъан джерде.
- Кенгеш болса, уруш болмаз.
- Хансыз джомакъ болмаз.
- Эл ауузу – элия.
- Тура эдим джата, къайдан чыкъды хата?
- Рысхы – сют юсюнде кёмюк кибикди.
- Къуру гыбыт бек дыгъырдар.
- Къаллай салам берсенг, аллай джууаб алырса.
- Джылыгъа джылан илешир.
- Баш – акъыл ючюн, акъылман – халкъ ючюн.
- Мухарны эси – ашарыкъда.
- Кийиминг бла танылма, адамлыкъ бла таныл.
- Джарлыны тону джаз битер.
- Таякъ этден ётер, тил сюекден ётер.
- Тойгъа алгъа да барма, тойда артха да къалма.
- Ариу сёз аурууунгу алыр.
- Арбаз къынгырды да, ийнек сауалмайма.
- Къыз тиширыу кеси юйюнде да къонакъды.
- Келлик заман – къартлыкъ келтирир, кетген заман – джашлыкъ ёлтюрюр.
- Адамны артындан къара сабан сюрме.
- Дуния мал дунияда къалады.
- Олтуруб кёрюнмей эди да, ёрге туруб кёрюне эди.
- Сабийни джумушха джибер да, ызындан бар.
- Сёлеш деб шай берген, тохта деб, сом берген.
- Аджал соруб келмез, келсе, къайтыб кетмез.
- Терек ауса, отунчу – кёб.
- Тил – миллетни джаны.
- Тойгъан джерге джети къайт.
- Бюгюн дуния кибик, тамбла ахыратды.
- Бал ашаргъа сюе эсенг, чибин ургъаннга тёз.
- Эринчекни эр алмаз, эр алса да, кёл салмаз, кёл салса да, кёб бармаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72