- Аурууну келиую тынч, кетиую – къыйын.
- Кесинг сынамагъан затны, адамгъа буюрма.
- Соргъан айыб тюлдю, билмеген айыбды.
- Ётюрюк хапар аякъ тюбю бла джюрюйдю.
- Булут кёкге джарашыу, уят бетге джарашыу.
- Къошда джокъгъа – юлюш джокъ.
- Башланнган иш битер, къымылдагъан тиш тюшер.
- Биреуге аманлыкъны тилеме да, кесинге ашхылыкъны тиле.
- Туз, гырджын аша, тюзлюк бла джаша.
- Уллу къазанда бишген эт, чий къалмаз.
- Садакъачыны джаны – къапчыгъында.
- Азыкълы ат арымаз, къатыны аман джарымаз.
- Аманнга да, игиге да оноусуз къатышма.
- Къонакъ хазыр болгъанлыкъгъа, къонакъбай хазыр тюлдю.
- Мухар, кеси тойса да, кёзю тоймаз.
- От кюйдюрген, сау болса да, тот кюйдюрген, сау болмаз.
- Айтханы чапыракъдан ётмеген.
- Рысхы – сют юсюнде кёмюк кибикди.
- Билмейме деген – бир сёз
- Къарт бла баш аша, джаш бла аякъ аша.
- Алма терегинден кери кетмез.
- Адам къыйынлыгъын кёлтюрюр, зауукълугъун кёлтюрмез.
- Тин – байлыгъынг, терен саулугъунг.
- Ач уят къоймаз.
- Тура эдим джата, къайдан чыкъды хата?
- Шекер бла туз – бир болмаз, ушамагъан – юй болмаз.
- Ат басханны джер билед.
- Байлыкъ тауусулур, билим тауусулмаз.
- Ауурну тюбю бла, дженгилни башы бла джюрюген.
- Хар зат кесини орнуна иги.
- Адамны сыфатына къарама, сёзюне къара.
- Дженгил джетерикме деб, узун джолну къоюб, къысхасын барма.
- Ашхы тенг джолгъа салыр, аман тенг джолдан тайдырыр.
- Джарлыны эшигин махтагъан джабар.
- Эм уллу байлыкъ – джан саулукъ.
- Джумушакъ сёз къаты таякъны сындырыр.
- Бал чибинни ургъаны – ачы, балы – татлы.
- Чабакъгъа акъыл, табагъа тюшсе келеди.
- Ана кёлю – балада, бала кёлю – талада.
- Къарыусузгъа кюлме, онгсузгъа тийме.
- Иги сёз – джаннга азыкъ, аман сёз башха – къазыкъ.
- Къызны минг тилер, бир алыр.
- Билген билмегенни юретген адетди.
- Акъыллы башны – тили къысха.
- Огъурлуну сёзю – суу, огъурсузну сёзю – уу.
- Иги болса, тамадама – махтау, аман болса, меннге – айыб.
- Кютгени беш эчки, сызгъыргъаны уа, джерни джарады.
- Тели турса – той бузар.
- Ашыкъгъан cуу, тенгизге джетмез.
- Кёкдеги болмаса, джердегин кёрмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72