- Джерни букъусу кёкге къонмаз.
- Уллу сёзде уят джокъ.
- Адебсиз адам – джюгенсиз ат.
- Тёзген – тёш ашар!
- Ата джурт – алтын бешик.
- Кёб джат да, бек чаб.
- Джырчы ёлсе, джыры къалыр.
- Баланы адам этген анады.
- Бети къызарыучу адамны, джюреги харам болмаз.
- Чомарт бергенин айтмаз.
- Ким бла джюрюсенг, аны кёзю бла кёрюнюрсе.
- Тай асырагъан, атха минер.
- Игилик игилик бла сингдирилиучю затды.
- Аш хазыр болса, иш харам болур.
- Джаз бир кюнню джатсанг, къыш талай кюнню абынырса.
- Къарыусузгъа кюлме, онгсузгъа тийме.
- Тюзлюк тас болмайды.
- Ёлюк кебинсиз къалмаз.
- Къарт болгъан джерде, берекет болур, сабий болгъан джерде, оюн болур.
- Кёбден умут этиб, аздан къуру къалма.
- Аманны эки битли тону болур, бирин сеннге кийдирир, бирин кеси киер.
- Адам къаллай бир ишленмесе, аллай бир кесин уллу кёреди.
- Накъырда – кертини келечиси.
- Чомартха хар кюн да байрамды.
- Биреуню тёрюнден, кесинги эшик артынг игиди.
- Иги джашны ышаны – аз сёлешиб, кёб тынгылар.
- Тау башында, тау болмаз, джангыз терек, бау болмаз.
- Халкъны джырын джырласанг, халкъ санга эжиу этер.
- Таукелге нюр джауар.
- Аз айтсам, кёб ангылагъыз.
- Ашлыкъ – бюртюкден, джюн – тюкден.
- Ашатыргъа иш – ашхы, ишлетирге аш – ашхы.
- Баш болса, бёрк табылыр.
- Аман киши кеси юйюнде – къонакъ.
- Адам сёзюнден белгили.
- Къулакъдан эсе, кёзге ышан.
- Мухардан ач ычхынмаз.
- Сангырау къулакъ эл бузар.
- Киштикге къанат битсе, чыпчыкъ къалмаз эди.
- Ёлюр джаннга, ёкюл джокъ.
- Азыгъы аз, алгъа къабар, аты аман, алгъа чабар.
- Аллахха ийнаннган кишини, Аллах онгдурур ишин.
- Кёлю джокъну – джолу джокъ.
- Ашда уялгъан – мухар, ишде уялгъан – хомух.
- Тешик этген тынчды, аны джамагъан къыйынды.
- Чабар ат – джетген къыз.
- Ёнгкюч къууана барыр, джылай келир.
- Шекер бла туз – бир болмаз, ушамагъан – юй болмаз.
- Джогъун бар этген, барын бал этген.
- Къуру гыбыт бек дыгъырдар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72