- Ашхы болсанг, атынг чыгъар, аман болсанг, джанынг чыгъар.
- Джашда акъыл джокъ, къартда къарыу джокъ.
- Джангыз торгъай джырламаз.
- Аш кетер да бет къалыр.
- Акъдан къара болмаз.
- Иги сёз – джаннга азыкъ, аман сёз башха – къазыкъ.
- Къыз чыгъаргъан – къызыл къымжа.
- Эринчекни эр алмаз, эр алса да, кёл салмаз, кёл салса да, кёб бармаз!
- Битмегеннге сакъал – танг.
- Миллетни бойну – базыкъ, аны бла кюрешген – джазыкъ.
- Садакъачыны джаны – къапчыгъында.
- Тай асырагъан, атха минер.
- Дуния мал дунияда къалады.
- Чыкълы кюнде чыкъмагъан, чыкъса къуру кирмеген.
- Джигер – джаннга къыйынлыкъ.
- Адамны артындан къара сабан сюрме.
- Эм уллу байлыкъ – джан саулукъ.
- Чабакъгъа акъыл, табагъа тюшсе келеди.
- Малны кют, джерни тюрт.
- Керилген да, ургъан кибикди.
- Акъыллы эркиши атын махтар, акъылсыз эркиши къатынын махтар.
- Кёб джат да, бек чаб.
- Биреуню тёрюнден, кесинги эшик артынг игиди.
- Джашны джигитлиги сорулур, къызны джигерлиги сорулур.
- Харам къарнашдан, халал тенг ашхы.
- Гыдай эчки суугъа къараб, мюйюзле кёрмесе, джашма алкъын, дегенди.
- Нарт сёз къарт болмаз.
- Накъырданы арты керти болур.
- Игиге айтсанг – билир, аманнга айтсанг – кюлюр.
- Джаным-тиним – окъуу, билим.
- Къазанны башы ачыкъ болса, итге уят керекди.
- Аман адамны тепсинге олтуртсанг, къызынгы тилер.
- Тил бла келеди джыр да.
- Аманнга да, игиге да оноусуз къатышма.
- Тили узунну, намысы – къысха.
- Джюрек кёзден алгъа кёрюр.
- Суугъа – таянма, джаугъа – ийнанма.
- Билмегенинги, билгеннге сор.
- Эки къатын алгъан – эки ташны ортасына башын салгъан.
- Термилгенинги табмазса, кюлгенинге тюберсе.
- Бёрю да ач къалмасын, эчки да ашалмасын.
- Адебни адебсизден юрен.
- Джаханимни кёрмей, джандетге кёл салмазса.
- Ачлыкъ отха секиртир.
- Билимсиз иш бармаз.
- Арыгъан къош чамчы болур.
- Биреу ашаб къутулур, биреу джалаб тутулур.
- Джумушакъ сёз къаты таякъны сындырыр.
- Эртде тургъан бла эртде юйленнген сокъуранмаз.
- Онгсузну – джакъла, тенгликни – сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72