- Кюлме джашха – келир башха.
- Халкъны джырын джырласанг, халкъ санга эжиу этер.
- Аякъларынгы джууургъанынга кёре узат.
- Башы джабылгъан челекге, кир тюшмез.
- Келгинчи, къонакъ уялыр, келгенден сора, къонакъбай уялыр.
- Джырына кёре эжиую.
- Ариу сёзде ауруу джокъ.
- Ёлген эшек бёрюден къоркъмайды.
- Кечеси – аяз, кюню – къыш, джарлы къаргъагъа бир аш тюш!
- Аман киши кеси юйюнде – къонакъ.
- Кёбден умут этиб, аздан къуру къалма.
- Тил – кесген бычакъ, сёз – атылгъан окъ.
- Ач келгенни – тойдур, кеч келгенни – къондур.
- Уясында не кёрсе, учханында аны этер.
- Ата джурт – алтын бешик.
- Иги сеники эсе да, сюйген кесимикин этеме.
- Тамырсыз терекге таянма – джыгъылырса.
- Къонакъ кёб келюучю юйню, къазаны отдан тюшмез.
- Кёзден кетген, кёлден да кетеди.
- Окъумагъан сокъурду, сокъур ташха абыныр!
- Бал чибинни ургъаны – ачы, балы – татлы.
- Къарнынг къанлынга кийирир.
- Джашынгы кесинг юретмесенг, джашау юретир.
- Къазанчы аман болса, къазаны къайнамаз.
- Тил бла келеди джыр да.
- Айранын берсенг, челегин да къызгъанма.
- Акъылсызны джууукъгъа алма, акъыллыны кенгнге салма.
- Къартха ушагъан джаш – акъыллы, джашха ушагъан къарт – тели.
- Тилчи тилден къаныкъмаз.
- Сабий кёргенин унутмаз.
- Элде адам къалмаса, ит тахтагъа минер.
- Аман эсирсе, юйюн ояр.
- Къобан да къуру да къобханлай турмайды, адам да къуру да патчахлай турмайды.
- Алтыннга тот къонмаз.
- Ачыу алгъа келсе, акъыл артха къалады.
- Тёзгеннге, джабылгъан эшик ачылыр.
- Бетинги сатма, малынгы сат.
- Билмезни кёзю кёрмез, этмезни къулагъы эшитмез.
- Эртде тургъан джылкъычыны эркек аты тай табар.
- Байлыкъдан саулукъ ашхыды.
- Джюрек кёзден алгъа кёрюр.
- Чоюнну башы ачыкъ болса, итге уят керекди.
- Джылар джаш, атасыны сакъалы бла ойнар.
- Окъугъан – асыу, окъумагъан – джарсыу.
- Тиширыусуз юй – отсуз от джагъа.
- Тыш элде солтан болгъандан эсе, кесинги элде олтан болгъан игиди!
- Джылкъыдан – ат чыгъар, тукъумдан – джаш чыгъар.
- Айтылгъан буйрукъ, сёгюлмез
- Ёнгкюч къууана барыр, джылай келир.
- Джыгъылгъанны сырты джерден тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72