- Акъыл неден да кючлюдю.
- Аш хазыр болса, иш харам болур.
- Аман адам этегингден тутса, кес да къач.
- Мухарны эси – ашарыкъда.
- Ауругъанны сау билмез, ач къарынны токъ билмез.
- Ач отунчуну ачыуу – бурнунда.
- Бозанг болмагъан джерге, къалагъынгы сукъма.
- Уллу къашыкъ эрин джыртар.
- Къонакъ хазыр болгъанлыкъгъа, къонакъбай хазыр тюлдю.
- Уллу айтханны этмеген – уллаймаз.
- Акъыл бла адеб эгизледиле.
- Ауурну тюбю бла, дженгилни башы бла джюрюген.
- Керек ташны ауурлугъу джокъ.
- Ана къойну – балагъа джандет.
- Юреннген ауруу къалмаз.
- Ишин билген, аны сыйын чыгъарады.
- Тенгинг джокъ эсе – изле, бар эсе – сакъла!
- Ишлемеген – тишлемез.
- Халкъны джырын джырласанг, халкъ санга эжиу этер.
- Джигер – джаннга къыйынлыкъ.
- Джашынгы кесинг юретмесенг, джашау юретир.
- Артына баргъанны, къатына барма.
- Билим насыб берир, билим джолну керир.
- Тилде сюек болмаса да, сюек сындырыр.
- Байлыкъ тауусулур, билим тауусулмаз.
- Тойну къарнашы – харс, джырны къарнашы – эжиу.
- Джаш болсун, къыз болсун, акъылы, саны тюз болсун.
- Къонакъ аз олтурур, кёб сынар.
- Акъдан къара болмаз.
- Тиширыусуз юй – отсуз от джагъа.
- Тойгъа алгъа да барма, тойда артха да къалма.
- Ана къолу ачытмаз.
- Рысхы – сют юсюнде кёмюк кибикди.
- Сормай – алма, чакъырылмай – барма.
- Джаханимни кёрмей, джандетге кёл салмазса.
- Дженгил джетерикме деб, узун джолну къоюб, къысхасын барма.
- Дууулдаса – бал чибин, къонса – къара чибин.
- Эшекге миннген – биринчи айыб, андан джыгъылгъан – экинчи айыб.
- Эм ашхы къайын ана мамукъ бла башынгы тешер.
- Эл ауузу – элек, анга ийнаннган – халек.
- Телиге от эт десенг, юйюнге от салыр.
- Бетинги сатма, малынгы сат.
- Къолунгдан къуймакъ ашатсанг да, атаны борчундан къутулмазса.
- Тик ёргени, тик энгишгеси да болады.
- Ичимден чыкъды хата, къайры барайым сата?
- Адеб этмеген, адеб кёрмез.
- Къарт айтханны этмеген, къартаймаз.
- Ёзденликни джайгъан – джокълукъ.
- Тойгъандан сора, ашны сёкме.
- Тёзген – тёш ашар!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72