- Кёзюнде тереги болгъан, чёбю болгъаннга кюле эди.
- Адамны аманы адамны бети бла ойнар.
- Къоркъакъны кёзю экили кёрюр.
- Аманнга игилик этсенг, юйюнге сау бармазса.
- Адеб этмеген, адеб кёрмез.
- Таукел къуру къалмаз.
- Керек ташны ауурлугъу джокъ.
- Иги – алгъыш этер, аман – къаргъыш этер.
- Накъырда – кертини келечиси.
- Кёл ашады да, кеси ашады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Накъырданы арты керти болур.
- Экеу тутушса, биреу джыгъылыр.
- Джырына кёре эжиую.
- Элге къуллукъ этмеген, элге ие болмаз.
- Иги сёз – джаннга азыкъ, аман сёз башха – къазыкъ.
- Аманнга да, игиге да оноусуз къатышма.
- Урунуу – насыбны анасы.
- Тюкюрюк баш джармаз, налат кёз чыгъармаз!
- Адебсиз адам – джюгенсиз ат.
- Эте билген, этген этеди, эте билмеген, юретген этеди!
- Аманнга алтын чыдамаз.
- Тилчи бир сагъатха айлыкъ хата этер.
- Тили узунну, намысы – къысха.
- Чомарт къолда мал къалмаз.
- Башсыз урчукъ тюзюне айланмаз.
- Гугук кесини атын айтыб къычыргъанча, мен, мен деб нек тураса?
- Адамны адамлыгъы къыйынлыкъда айгъакъланады.
- Бозаны арты дауур болур.
- Оюмсуз атлагъан, аджалсыз ёлюр.
- Сютден ауузу кюйген, суугъа юфгюре эди.
- Ашыкъгъан cуу, тенгизге джетмез.
- Урама да – ёледи, сатама да – келеди.
- Чакъырылмагъан къонакъ къачан кетерин сормаз.
- Намыс болмагъан джерде, насыб болмаз.
- Дуния мал дунияда къалады.
- Аман эсирсе, юйюн ояр.
- Джюрек кёзден алгъа кёрюр.
- Джарлы эскисин джамаса, къууаныр.
- Ана – юйню кюн джарыгъы.
- Билим къая тешер.
- Тёзген – тёш ашар!
- Ариу – кёзге, акъыл – джюрекге.
- Иги бла джюрюсенг, джетерсе муратынга, аман бла джюрюсенг, къалырса уятха.
- Душманны тышы – акъ, ичи – къара.
- Аджашханны ызындагъы кёреди, джангылгъанны джанындагъы биледи.
- Сабий болмагъан джерде, мёлек болмаз.
- Хар ишни да аллы къыйынды.
- Ишин билген, аны сыйын чыгъарады.
- Аман хансны – урлугъу кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72