- Къайгъы тюбю – тенгиз.
- Суу кетер, таш къалыр.
- Биреуге аманлыкъ этиб, кесинге игилик табмазса.
- Ургъан суудан башынгы сакъла.
- Кюн кёрмеген, кюн кёрсе, кюндюз чыракъ джандырыр.
- Атынг аманнга чыкъгъандан эсе, джанынг тамагъынгдан чыкъсын.
- Джигер – джаннга къыйынлыкъ.
- Аманнга игилик этсенг, юйюнге сау бармазса.
- Бети – къучакълар, джюреги – бычакълар.
- Кёл – къызбай, къол – батыр.
- Тюзлюк тас болмайды.
- Aдам боллукъ, сыфатындан белгили.
- Бичгенде ашыкъма, тикгенде ашыкъ.
- Айтылгъан сёз ызына къайтмаз.
- Айырылмаз джууугъунга, унутмаз сёзню айтма.
- Ач отунчуну ачыуу – бурнунда.
- Аджаллыгъа окъсуз шкок атылыр.
- Тойгъан джерден туугъан джер игиди.
- Къайгъыны сюйген, къайгъы табар.
- Рысхы – насыбха къор.
- Тойчу джашха къарама, къойчу джашха къара.
- Игини сыйлагъан адетди.
- Джарлыны эшигин махтагъан джабар.
- Сабыр джетер муратха, сабырсыз къалыр уятха.
- Чабакъ башындан чирийди.
- Дуния малгъа сатылма, кесингден телиге къатылма.
- Чабар ат – джетген къыз.
- Ат басханны джер билед.
- Уллу сёзде уят джокъ.
- Кийиминг бла танылма, адамлыкъ бла таныл.
- Къарнынг тойгъунчу аша да, белинг талгъынчы ишле.
- Кёб къычыргъандан – къоркъма, тынч олтургъандан – къоркъ.
- Уллу къазанда бишген эт, чий къалмаз.
- Къонагъы джокъну – шоху джокъ.
- Эл ауузу – элек, анга ийнаннган – халек.
- Айран тёгюлсе, джугъусу къалыр.
- Битмегеннге сакъал – танг.
- Хар ишни да аллы къыйынды.
- Тели турса – той бузар.
- Бек анасы джыламаз.
- Юйлю уругъа ит чабмаз.
- Джырчы джырчыгъа – къарнаш.
- Эр сокъур болсун, къатын тилсиз болсун.
- Адам къыйынлыгъын кёлтюрюр, зауукълугъун кёлтюрмез.
- Акъыл неден да кючлюдю.
- Абынмазлыкъ аякъ джокъ, джангылмазлыкъ джаякъ джокъ.
- Къартны сыйын кёрмеген, къартлыгъында сыйлы болмаз.
- Байны оноуу, джарлыгъа джарамаз.
- Тюзню ётмеги тюзде къалса да, тас болмаз.
- Къонакъны къачан кетерин сорма, къачан келлигин сор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72