- Урама да – ёледи, сатама да – келеди.
- Акъыл къартда, джашда тюйюлдю – башдады.
- Биреуге кёлтюрген таягъынг, кесинги башынга урур.
- Ауругъан – джашаудан умутчу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тынгылагъан тынгы бузар.
- Ханы къызы буюгъа-буюгъа киштик болду.
- Босагъа таш юйге кирмей эди, тыбыр таш эшикге чыкъмай эди.
- Джетген къыз джерли эшекни танымаз.
- Ёгюзню мюйюзюнден тутадыла, адамны сёзюнден тутадыла.
- Ургъан суудан башынгы сакъла.
- Кенгеш болса, уруш болмаз.
- Ёлген аслан – сау чычхан.
- Зар адам ашынгы ашар, кесинги сатар.
- Тенгни тенглиги джашай барсанг билинир.
- Сабий болмагъан джерде, мёлек болмаз.
- Элни кючю – эмеген.
- Адам боллукъ, атламындан белгили болур.
- Арпа, будай – ащды, алтын, кюмюш а – ташды.
- Ата Джуртун танымагъан, атасын да танымаз.
- Ёлюр джаннга, ёкюл джокъ.
- Сёз сёзню айтдырыр.
- Ана къойну – балагъа джандет.
- Эте билген, этген этеди, эте билмеген, юретген этеди!
- Эркиши – от, тиширыу – суу.
- Къралынгы – душмандан, башынгы от бла суудан сакъла.
- Башы ишлегенни, ауузу да ишлер.
- Къумурсхала джыйылсала, пилни да джыгъадыла.
- Тойчу джашха къарама, къойчу джашха къара.
- Итли къонакъ джарашмаз.
- Махтаннган къыз, тойда джукълар.
- Керти сёзге тёре джокъ.
- Чомартны къолу берекет.
- Сакъалы текени да бар, мыйыгъы киштикни да бар.
- Мухарны эси – ашарыкъда.
- Тин – байлыгъынг, терен саулугъунг.
- Узун джолну барсанг, бюгюн келирсе, къысха джолну барсанг, тамбла келирсе.
- Ишге юренсин къоллары, халкъ бла болсун джоллары.
- Джаз бир кюнню джатсанг, къыш талай кюнню абынырса.
- Кёбню кёрген – кёб билир.
- Дуния аламаты сен эсенг да, игиме деб айтма.
- Гитче джилтин уллу элни джандырыр.
- Аш берме да, къаш бер.
- Къарын къуру болса, джюрек уру болур.
- Кёб ант этген, кёб ётюрюк айтыр.
- Хатерли къул болур.
- Къартны сыйын кёрмеген, къартлыгъында сыйлы болмаз.
- Ач уят къоймаз.
- Шайтан алдады, тюзлюк къаргъады.
- Юйюнгден чыкъдынг – кюнюнгден чыкъдынг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72