- Бек анасы джыламаз.
- Эртде тургъан бла эртде юйленнген сокъуранмаз.
- Ашына кёре табагъы, балына кёре къалагъы.
- Биреу ашаб къутулур, биреу джалаб тутулур.
- Айранны сюйген, ийнек тутар.
- Хар адамгъа кеси миннген тау кибик.
- Мал ёлсе, сюек къалыр, адам ёлсе, иши къалыр.
- Къарын къуру болса, джюрек уру болур.
- Биреуге аманлыкъ этиб, кесинге игилик табмазса.
- Алгъанда – джууукъ, бергенде – джау.
- Таш бла ургъанны, аш бла ур.
- Уллу къашыкъ эрин джыртар.
- Джиби бир къат джетмей эди да, эки къат тарта эди.
- Кесине гебен этелмеген, биреуге черен эте эди.
- Бойнуму джети джерден кессенг да, мен ол ишни этеллик тюлме.
- Тойгъандан сора, ашны сёкме.
- Къонагъынгы артмагъын алма да, алгъышын ал.
- Ач къарным, тынч къулагъым.
- Кимни – тили, тиши онглу, кимни – къолу, иши онглу.
- Бёрю да ач къалмасын, эчки да ашалмасын.
- Телини эшигин, махтау джабар.
- Джырчы джырчыгъа – къарнаш.
- Башы ишлегенни, ауузу да ишлер.
- Чомарт бергенин айтмаз.
- Намыс сатылыб алынмайды.
- Кёбню кёрген – кёб билир.
- Эр сокъур болсун, къатын тилсиз болсун.
- Сабийликде юретмесенг, уллу болса – тюзелмез.
- Арпа, будай – ащды, алтын, кюмюш а – ташды.
- «Ма», - дегенни билмесенг, «бер», - дегенни билмезсе.
- Билим насыб берир, билим джолну керир.
- Кенгеш болса, уруш болмаз.
- Аман адам этегингден тутса, кес да къач.
- Эки элинги тыйсанг, джети элде махталырса.
- Бермеген къол, алмайды.
- Ариу сёз джыланны орнундан чыгъарыр.
- Келлик заман – къартлыкъ келтирир, кетген заман – джашлыкъ ёлтюрюр.
- Джарлы тюеге минсе да, ит къабар.
- Ёлген аслан – сау чычхан.
- Чомартха хар кюн да байрамды.
- Тулпарлыкъ, билекден тюл – джюрекден.
- Урунуу – насыбны анасы.
- Суугъа – чабакъ, къаягъа – ыргъакъ.
- Эм уллу байлыкъ – джан саулукъ.
- Адеб этмеген, адеб кёрмез.
- Босагъагъа джууукъ орун болса, ашыгъыб тёрге озма.
- Душманны тышы – акъ, ичи – къара.
- Байны оноуу, джарлыгъа джарамаз.
- Аджашханны ызындагъы кёреди, джангылгъанны джанындагъы биледи.
- Сакъламагъан затынга джолукъсанг, не бек къууанаса, не бек ачыйса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72