- Сабыр джетер муратха, сабырсыз къалыр уятха.
- Ёлмесенг да, къарт дамы болмазса?
- Тюзню ётмеги тюзде къалса да, тас болмаз.
- Суу да къайтады чыкъгъан джерине.
- Къонакъ аман болса, къонакъбай джунчур
- Ариу сёз джыланны орнундан чыгъарыр.
- Ашха уста, юйюнде болсун
- Эр сокъур болсун, къатын тилсиз болсун.
- Ишлегенде эринме, ишде чолакъ кёрюнме.
- Айырылмаз джууугъунга, унутмаз сёзню айтма.
- От кюйдюрген, сау болса да, тот кюйдюрген, сау болмаз.
- Джолда аягъынга сакъ бол, ушакъда тилинге сакъ бол.
- Джыйырма къойну юч джыйырма эбзе кюте эди.
- Къонагъынгы артмагъын алма да, алгъышын ал.
- Эркиши – от, тиширыу – суу.
- Шекер бла туз – бир болмаз, ушамагъан – юй болмаз.
- Ашхы болсанг, атынг чыгъар, аман болсанг, джанынг чыгъар.
- Урунуу – насыбны анасы.
- Тели турса – той бузар.
- Башы джабылгъан челекге, кир тюшмез.
- Джарашыу сюйген – джалынчакъ.
- Къарнынг ауруса, ауузунгу тый
- Аманны эки битли тону болур, бирин сеннге кийдирир, бирин кеси киер.
- Болджал ишни бёрю ашар.
- Сыфатында болмагъаны, суратында болмаз.
- Юре билмеген ит, къонакъ келтирир.
- Айраннга суу къош, телиге джол бош.
- Эм ашхы къайын ана мамукъ бла башынгы тешер.
- Къайгъы тюбю – тенгиз.
- Ёнгкюч къууана барыр, джылай келир.
- Билимли ёлмез, билимсиз кёрмез.
- Джангыз торгъай джырламаз.
- Келгинчи, къонакъ уялыр, келгенден сора, къонакъбай уялыр.
- Джырына кёре эжиую.
- Окъугъанны бети джарыкъ.
- Сабийликде юретмесенг, уллу болса – тюзелмез.
- Ёзденликни кёбю ётюрюк.
- Тик ёргени, тик энгишгеси да болады.
- Бал чибинни ургъаны – ачы, балы – татлы.
- Тамырсыз терекге таянма – джыгъылырса.
- Келинин тута билмеген, къул этер, къызын тута билмеген, тул этер.
- Булут кёкге джарашыу, уят бетге джарашыу.
- Тойгъанлыкъ къойгъа джарашады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ана къойну – балагъа джандет.
- Къонакъ кёб келюучю юйню, къазаны отдан тюшмез.
- Кёл ашады да, кеси ашады.
- Джиби бир къат джетмей эди да, эки къат тарта эди.
- Хунаны тюбюн къазсанг, юсюнге ауар.
- Мухарны эси – ашарыкъда.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72