- Махтаннган къыз, тойда джукълар.
- Ойнай билмеген, оюн бузар.
- Ёзденликни джайгъан – джокълукъ.
- Ойнай-ойнай кёз чыгъар.
- Юреннген ауруу къалмаз.
- Чомартны къолу берекет.
- Тилсиз миллет джокъ болур.
- Тёгюлген тюгел джыйылмайды.
- Окъугъанны бети джарыкъ.
- Сабыр джетер муратха, сабырсыз къалыр уятха.
- Тил джюрекге джол ишлейди.
- Джангыз терек къынгыр ёсер.
- Джогъун бар этген, барын бал этген.
- Сибиртки да сыйлы болду, кюрек да кюнлю болду.
- Ётюрюк хапар аякъ тюбю бла джюрюйдю.
- Танг атмайма десе да, кюн къоярыкъ тюйюлдю.
- Олтуруб кёрюнмей эди да, ёрге туруб кёрюне эди.
- Босагъагъа джууукъ орун болса, ашыгъыб тёрге озма.
- Дуния мал дунияда къалады.
- Эл тойса, тоймагъан, эл къойса, къоймагъан.
- Ата – баланы уясы.
- Мухар, кеси тойса да, кёзю тоймаз.
- Къонакъ хазыр болгъанлыкъгъа, къонакъбай хазыр тюлдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъдан джара эртде-кеч болса да бителир, сёз джара, ёмюрге къалыр.
- Байлыкъдан саулукъ ашхыды.
- Кёзюнде тереги болгъан, чёбю болгъаннга кюле эди.
- Къайтырыкъ эшигинги, къаты уруб чыкъма.
- Эски джаугъа ышанма.
- Арпа, будай – ащды, алтын, кюмюш а – ташды.
- Джырчы ёлсе, джыры къалыр.
- Келинни – келгинчи, бёркню кийгинчи кёр.
- Эм уллу байлыкъ – джан саулукъ.
- Юйлю уругъа ит чабмаз.
- Тёрдеги кюлсе, эшикдеги ышарыр.
- Эрни эр этерик да, къара джер этерик да, тиширыуду.
- Булут кёкге джарашыу, уят бетге джарашыу.
- Джаханимни кёрмей, джандетге кёл салмазса.
- Кюн – узун, ёмюр – къысха.
- Таукел адам тау тешер.
- Бозанг болмагъан джерге, къалагъынгы сукъма.
- Къатыны харакетли болса, эри къымсыз болур.
- Атлыны ашхысы, ат тизгининден билинир
- Аш кетер да бет къалыр.
- Ашыкъгъанны этеги бутуна чырмалыр.
- Къыз келсе, джумуш эте келеди, къатын келсе, ушакъ эте келеди.
- Къан бла кирген, джан бла чыгъар.
- Акъыл неден да кючлюдю.
- Акъыл сабырлыкъ берир.
- Къарнынг тойгъунчу аша да, белинг талгъынчы ишле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72