- Аурууну келиую тынч, кетиую – къыйын.
- Ашын ашагъанынгы, башын да сыйла.
- Къайгъы тюбю – тенгиз.
- Бёрю да ач къалмасын, эчки да ашалмасын.
- Ёпкелегенни ашы татлы болады.
- Тулпарлыкъ, билекден тюл – джюрекден.
- Минг тенг да азды, бир джау да кёбдю.
- Билимсиз иш бармаз.
- Тёзгеннге, джабылгъан эшик ачылыр.
- Арбаз сайлама да, хоншу сайла.
- Тенгни тенглиги джашай барсанг билинир.
- Хатерли къул болур.
- Къызбайны юйюне дери сюрсенг, батыр болур.
- Чакъырылмагъан къонакъ къачан кетерин сормаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сабыр джетер муратха, сабырсыз къалыр уятха.
- Таш бла ургъанны, аш бла ур.
- Джукъу тёшек сайламайды.
- Азыкълы ат арымаз, къатыны аман джарымаз.
- Эр абынмай, эл танымаз.
- Ашлыкъ – бюртюкден, джюн – тюкден.
- Джарлыны эшигин махтагъан джабар.
- Эл бла кёргенинг эрелей.
- Джюрекден джюрекге джол барды.
- Кийимни бичсенг, кенг бич, тар этген къыйын тюлдю.
- Бермеген къол, алмайды.
- Этек чакъмакълары баш джаргъан, сёлешген сёзлери таш джаргъан.
- Сакъламагъан затынга джолукъсанг, не бек къууанаса, не бек ачыйса.
- Ариу сёз – къылычдан джити.
- Аманнга да, игиге да оноусуз къатышма.
- Халкъны джырын джырласанг, халкъ санга эжиу этер.
- Тели турса – той бузар.
- Садакъачыны джаны – къапчыгъында.
- Ишин билген, аны сыйын чыгъарады.
- Аллахха ийнаннган кишини, Аллах онгдурур ишин.
- Малны кют, джерни тюрт.
- Тойгъа барсанг, тоюб бар, эски тонунгу къоюб бар.
- Чакъырылмагъан джерге барма, чакъырылгъан джерден къалма.
- Рысхы – насыбха къор.
- Суугъа – таянма, джаугъа – ийнанма.
- Башы джабылгъан челекге, кир тюшмез.
- Бети къызарыучу адамны, джюреги харам болмаз.
- Ёнгкюч къууана барыр, джылай келир.
- Суу кетер, таш къалыр.
- Ханнга да келеди хариблик.
- Башланнган иш битер, къымылдагъан тиш тюшер.
- Джыгъылгъанны сырты джерден тоймаз.
- Экиндини кеч къылсанг, чабыб джетер ашхам.
- Къарт бла баш аша, джаш бла аякъ аша.
- Къарнынг ауруса, ауузунгу тый
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72