- Экеу тутушса, биреу джыгъылыр.
- Киштикге къанат битсе, чыпчыкъ къалмаз эди.
- Элиб деген, элге болушур.
- Бир онгсуз адам адет чыгъарды, деб эштирик тюлсе.
- Айранын берсенг, челегин да къызгъанма.
- Мураты болгъанны джюрек тебюую башхады.
- «Ёгюз, джаргъа джууукъ барма, меннге джюк боллукъса», - дегенди эшек.
- Адам сёзге тынгыла, акъыл сёзню ангыла.
- Этек чакъмакълары баш джаргъан, сёлешген сёзлери таш джаргъан.
- Ана – юйню кюн джарыгъы.
- Атлыны кёрсе, джаяуну буту талыр.
- Адеб базарда сатылмаз.
- Хантына кёре тузу, юйюне кёре къызы.
- Ариу сёз – джаннга азыкъ, аман сёз – башха къазыкъ.
- Тёрени джагъы джокъ.
- Бичгенде ашыкъма, тикгенде ашыкъ.
- Къарт бла баш аша, джаш бла аякъ аша.
- Шапа кёб болса, аш татымсыз болур.
- Кийимни бичсенг, кенг бич, тар этген къыйын тюлдю.
- Игилик игилик бла сингдирилиучю затды.
- Къыйынлы джети элге оноу этер.
- Садакъачыны джаны – къапчыгъында.
- Къар – келтирди, суу – элтди.
- Сёлеш деб шай берген, тохта деб, сом берген.
- Ойнаб айтсанг да, эслеб айт.
- Накъырда – кертини келечиси.
- Ауругъан – джашаудан умутчу.
- Чомартны къолун джокълукъ байлар.
- Ойнай-ойнай кёз чыгъар.
- Чакъырылгъанны аты, чакъырылмагъанны багъасы болур.
- Хансыз джомакъ болмаз.
- Азыкъ аз болса, эртде орун сал.
- Телиге от эт десенг, юйюнге от салыр.
- Артына баргъанны, къатына барма.
- Бюгюн дуния кибик, тамбла ахыратды.
- Сабий болмагъан джерде, мёлек болмаз.
- Аман адам элни бир-бирине джау этер.
- Къолунгдан къуймакъ ашатсанг да, атаны борчундан къутулмазса.
- Суу кетер, таш къалыр.
- Джашлыкъ этмеген, башлыкъ этмез.
- Юйлю уругъа ит чабмаз.
- Хунаны тюбюн къазсанг, юсюнге ауар.
- Игини сыйлагъан адетди.
- Адамны адамлыгъы къыйынлыкъда айгъакъланады.
- Орну джокъну – сыйы джокъ.
- Ашхы сёз таш тешер.
- Айран ичген – къутулду, джугъусун джалагъан – тутулду.
- Экеулен сёлеше тура эселе, орталарына барыб кирме.
- Абынмазлыкъ аякъ джокъ, джангылмазлыкъ джаякъ джокъ.
- Босагъа таш юйге кирмей эди, тыбыр таш эшикге чыкъмай эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72