- Джыйырма къойну юч джыйырма эбзе кюте эди.
- Джылар джаш, атасыны сакъалы бла ойнар.
- Акъыллы – эл иеси, тели – эл баласы.
- Кирсизни – саны таза, халалны – къаны таза.
- Джуртун къоругъан озар.
- Нафысынгы айтханын этме, намысынгы айтханын эт.
- Сёз сёзню айтдырыр.
- Джетген къыз джерли эшекни танымаз.
- Эки ойлашыб, бир сёлешген.
- Рысхысына кёре, джаш ёсер, къышлыгъына кёре, мал ёсер.
- Айтылгъан буйрукъ, сёгюлмез
- Бозаны арты дауур болур.
- Юй кюйдю да, кюйюз чыкъды, ортасындан тюйюш чыкъды.
- Аз сёлешген, къайгъысыз турур.
- Гыдай эчки суугъа къараб, мюйюзле кёрмесе, джашма алкъын, дегенди.
- Этек чакъмакълары баш джаргъан, сёлешген сёзлери таш джаргъан.
- Джырына кёре эжиую.
- Эр абынмай, эл танымаз.
- Уллу суу бла уллу ауруудан башынгы сакъла.
- Чомарт бергенин айтмаз.
- Асхат ашлыкъ сата, юйдегиси ачдан къата.
- Адам къыйынлыгъын кёлтюрюр, зауукълугъун кёлтюрмез.
- Аш иеси бла татлыды.
- Узун джолну барсанг, бюгюн келирсе, къысха джолну барсанг, тамбла келирсе.
- Къартха ушагъан джаш – акъыллы, джашха ушагъан къарт – тели.
- Ауузу аманнга «иги», деме.
- Ана – юйню кюн джарыгъы.
- Мал ёлсе, сюек къалыр, адам ёлсе, иши къалыр.
- Чакъырылгъанны аты, чакъырылмагъанны багъасы болур.
- Джарлы эскисин джамаса, къууаныр.
- Юреннген ауруу къалмаз.
- Мени джылытмагъан кюн, меннге тиймесин!
- Ариу сёз – джаннга азыкъ, аман сёз – башха къазыкъ.
- Билген билмегенни юретген адетди.
- Байлыкъдан саулукъ ашхыды.
- Акъыллы айтыр эди, акъылсыз къоймайды.
- Къуру гыбыт бек дыгъырдар.
- Чомартха Тейри да борчлуду.
- Башынга джетмегенни сорма.
- Джылыгъа джылан илешир.
- Кесине гебен этелмеген, биреуге черен эте эди.
- Хантына кёре тузу, юйюне кёре къызы.
- Урама да – ёледи, сатама да – келеди.
- Кёб джашагъан – кёб билир.
- Ачыу алгъа келсе, акъыл артха къалады.
- Малны кют, джерни тюрт.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачлыкъда тары гырджын халыуадан татлы.
- Аш хазыр болса, иш харам болур.
- Бек ашыкъгъан меннге джетсин, дегенди аракъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72