- Таякъ этден ётер, тил сюекден ётер.
- Тил – кесген бычакъ, сёз – атылгъан окъ.
- Аман адамны тепсинге олтуртсанг, къызынгы тилер.
- Аш хазыр болса, иш харам болур.
- Арпа, будай – ащды, алтын, кюмюш а – ташды.
- Ашхы – джыяр, аман – джояр.
- Башы джабылгъан челекге, кир тюшмез.
- Элни кючю – эмеген.
- Ашда – бёрю, ишде – ёлю.
- Башланнган иш битер, къымылдагъан тиш тюшер.
- Босагъа таш юйге кирмей эди, тыбыр таш эшикге чыкъмай эди.
- Къарнынг бла ёч алма.
- Чомартны къолун джокълукъ байлар.
- Тили узунну, намысы – къысха.
- Окъугъан – асыу, окъумагъан – джарсыу.
- Аманнга да, игиге да оноусуз къатышма.
- Башынга джетмегенни сорма.
- «Ма», - дегенни билмесенг, «бер», - дегенни билмезсе.
- Адамны бетине къарама, адетине къара.
- Ишлерге уял да, ашаргъа табма.
- Байма, деб да, къууанма, джарлыма, деб да, джылама.
- Джюз элде джюз ёгюзюм болгъандан эсе, джюз джууугъум болсун.
- Уясында не кёрсе, учханында аны этер.
- Тойгъан джерге джети къайт.
- Этек чакъмакълары баш джаргъан, сёлешген сёзлери таш джаргъан.
- Эки элинги тыйсанг, джети элде махталырса.
- Къыз келсе, джумуш эте келеди, къатын келсе, ушакъ эте келеди.
- Ач къарным, тынч къулагъым.
- Аман къатын сабий табса, бий болур…
- Къонагъы джокъну – шоху джокъ.
- Джарлыны эшигин махтагъан джабар.
- Сакъ юйюне сау барыр.
- Сагъышы джокъ – джукъучу, акъылы джокъ – къаугъачы.
- Билим насыб берир, билим джолну керир.
- Эшекге миннген – биринчи айыб, андан джыгъылгъан – экинчи айыб.
- Тойгъа барсанг, тоюб бар, эски тонунгу къоюб бар.
- Бетинги сатма, малынгы сат.
- Ач къарынны, токъ билмез
- Тойчу джашха къарама, къойчу джашха къара.
- Бюгюн дуния кибик, тамбла ахыратды.
- Аш берме да, къаш бер.
- Хансыз джомакъ болмаз.
- Кийим тукъум сордурур.
- Татлы тилде – сёз ариу, чемер къолда – иш ариу.
- Хаухну атма, ёнгкючню сатма.
- Ауругъанны сау билмез, ач къарынны токъ билмез.
- Сууда джау джокъ, кёб сёзде магъана джокъ.
- Акъыл бла адеб эгизледиле.
- Тёзген – тёш ашар!
- Къазанчы аман болса, къазаны къайнамаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72