- Джигер – джаннга къыйынлыкъ.
- Юйюнг бла джау болгъандан эсе, элинг бла джау бол.
- Хансыз джомакъ болмаз.
- Ачыу алгъа келсе, акъыл артха къалады.
- Ишни ахырын ойламай, аллын башлама.
- Адамны сыфатына къарама, сёзюне къара.
- Окъугъан озар, окъумагъан тозар.
- Джюз элде джюз ёгюзюм болгъандан эсе, джюз джууугъум болсун.
- Босагъа таш юйге кирмей эди, тыбыр таш эшикге чыкъмай эди.
- Тенгинг джокъ эсе – изле, бар эсе – сакъла!
- Ойнай билмеген, оюн бузар.
- Акъыллы эркиши атын махтар, акъылсыз эркиши къатынын махтар.
- Эл бла кёргенинг эрелей.
- Баш болса, бёрк табылыр.
- Башы джабылгъан челекге, кир тюшмез.
- Асхат ашлыкъ сата, юйдегиси ачдан къата.
- Джыланны къуйругъундан басарынг келсе, аны башы болгъанын унутма.
- Экеу тутушса, биреу джыгъылыр.
- Къонакъ аман болса, къонакъбай джунчур
- Кёл – къызбай, къол – батыр.
- Элде адам къалмаса, ит тахтагъа минер.
- Оюмсуз атлагъан, аджалсыз ёлюр.
- Аман къатын алгъан, арыр, иги къатын алгъан джарыр.
- Ёзденликни джайгъан – джокълукъ.
- Къызын тута билмеген, тул этер, джашын тута билмеген, къул этер.
- Ашына кёре табагъы, балына кёре къалагъы.
- Эллинг бла джау болсанг да, юйюнг бла джау болма.
- Тамчы таш тешер.
- Борчунг бар эсе, хурджунунга ойлаб узал.
- Сормай – алма, чакъырылмай – барма.
- Акъыл неден да кючлюдю.
- Тюзлюк шохлукъну бегитир.
- Эки къатын алгъан – эки ташны ортасына башын салгъан.
- Дженгил джетерикме деб, узун джолну къоюб, къысхасын барма.
- Гугук кесини атын айтыб къычыргъанча, мен, мен деб нек тураса?
- Ачылгъан эт джабылыр, кёрген кёз унутмаз.
- Бёрю да ач къалмасын, эчки да ашалмасын.
- Суу кетер, таш къалыр.
- Зар адамны насыбы болмаз.
- Азыкълы ат арымаз, къатыны аман джарымаз.
- Ишленмеклик адамлыкъды.
- Ёксюзню къалачы уллу кёрюнюр.
- Адамны сабийин сюйген джюреги, бычакъча, джитиди.
- Арыгъан къош чамчы болур.
- Иги сёз – джаннга азыкъ, аман сёз башха – къазыкъ.
- Бек анасы джыламаз.
- Агъач – джерни чырайы, кийим – эрни чырайы.
- Билген билмегенни юретген адетди.
- Кёрмегеннге кебек – танг, битмегеннге сакъал – танг.
- Къайгъыны сюйген, къайгъы табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72