Эльбрусоид :: Форум :: Архив форумов

Къобан да къуру да къобханлай турмайды, адам да къуру да патчахлай турмайды.
Акъдан къара болмаз.
Билим – акъылны чырагъы.
Аууз сакълагъан – джан сакълар.
Сагъышы джокъ – джукъучу, акъылы джокъ – къаугъачы.
Юйюнгден чыкъдынг – кюнюнгден чыкъдынг.
Адеб этмеген, адеб кёрмез.
Бойнуму джети джерден кессенг да, мен ол ишни этеллик тюлме.
Къатын байлыкъны сюер, эр саулукъну сюер.
Биреу къой излей, биреу той излей.
Аманнга алтын чыдамаз.
Аманны тукъумуна къарама, игини тукъумун сорма.
Баш болса, бёрк табылыр.
Тенгни тенглиги джашай барсанг билинир.
Орундукъ тюбюнде атылсам да, орта джиликме, де да айлан.
Джюрекге ариу – кёзге да ариу.
Джумушакъ сёз къаты таякъны сындырыр.
Азыкълы ат арымаз, къатыны аман джарымаз.
Бети къызарыучу адамны, джюреги харам болмаз.
Сагъыш – къартлыкъгъа сюйюмчю.
Сакъалы текени да бар, мыйыгъы киштикни да бар.
Ашда – бёрю, ишде – ёлю.
Къумурсхала джыйылсала, пилни да джыгъадыла.
Намыс сатылыб алынмайды.
Алма терегинден кери кетмез.
Тамырсыз терекге таянма – джыгъылырса.
Ётюрюкню башын керти кесер.
Чомартны къолу берекет.
Арпа, будай – ащды, алтын, кюмюш а – ташды.
Къонакъны къачан кетерин сорма, къачан келлигин сор.
Адамны аты башхача, акъылы да башхады.
Аджаллыгъа окъсуз шкок атылыр.
Къарнынг бла ёч алма.
Чалманны аллы къалай башланса, арты да алай барады.
Билимсиз иш бармаз.
Дженгил джетерикме деб, узун джолну къоюб, къысхасын барма.
Ашыкъгъанны этеги бутуна чырмалыр.
Иги сёз – джаннга азыкъ, аман сёз башха – къазыкъ.
Ач келгенни – тойдур, кеч келгенни – къондур.
Баланы адам этген анады.
Джылкъыдан – ат чыгъар, тукъумдан – джаш чыгъар.
Тил бла келеди джыр да.
Тёрени джагъы джокъ.
Джогъун бар этген, барын бал этген.
Чёбню кёлтюрсенг, тюбюнден сёз чыгъар.
Джуртун къоругъан озар.
Сютню башын джалагъан къутулур, тюбюн ичген тутулур.
Тилсиз миллет джокъ болур.
Гитче джилтин уллу элни джандырыр.
Кёб ашасанг, татыуу чыкъмаз, кёб сёлешсенг, магъанасы чыкъмаз.

Логин:
Пароль:
	Запомнить меня на этом компьютере

Забыли свой пароль?
Регистрация