- Билген билмегенни юретген адетди.
- Тиширыусуз юй – отсуз от джагъа.
- Бастасын ашагъан, хантусун да ичер.
- Ышармагъан – кюлмез, кюлмеген – къууанчны билмез.
- Ётюрюкден тюбю джокъ, кёлтюрюрге джиби джокъ.
- Джумушакъ терекни къурт ашар.
- Ашаса, ашамаса да, бёрюню ауузу – къан.
- Юреннген ауруу къалмаз.
- Аллахха ийнаннган кишини, Аллах онгдурур ишин.
- Игиге айтсанг – билир, аманнга айтсанг – кюлюр.
- Джарашыу сюйген – джалынчакъ.
- Джюрекден джюрекге джол барды.
- Тойгъа алгъа да барма, тойда артха да къалма.
- Ачылгъан эт джабылыр, кёрген кёз унутмаз.
- Ач келгенни – тойдур, кеч келгенни – къондур.
- Чоюнну башы ачыкъ болса, итге уят керекди.
- Джумушакъ сёз къаты таякъны сындырыр.
- Эрине къаргъыш этген къатын, эрнин къабар.
- Тили узунну, намысы – къысха.
- Зар адамны насыбы болмаз.
- Чомарт къолда мал къалмаз.
- Ашыкъгъан cуу, тенгизге джетмез.
- Джашынгы кесинг юретмесенг, джашау юретир.
- Джерни букъусу кёкге къонмаз.
- Айтханы чапыракъдан ётмеген.
- Акъыл сабырлыкъ берир.
- Шайтан алдады, тюзлюк къаргъады.
- Ач къарынны, токъ билмез
- Зарда марда джокъ.
- Зар адам ашынгы ашар, кесинги сатар.
- Тилчи тилден къаныкъмаз.
- Таукелге нюр джауар.
- Джукъу тёшек сайламайды.
- Бетинги сатма, малынгы сат.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аманны тукъумуна къарама, игини тукъумун сорма.
- Ач бёрюге мекям джокъ.
- Къарнынг бла ёч алма.
- Эркишини аманы тиширыуну джылатыр.
- Тойгъа барсанг, тоюб бар, эски тонунгу къоюб бар.
- Билимден уллу байлыкъ джокъду.
- Магъанасыз сёз – тауушсуз сыбызгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Эртде тургъан джылкъычыны эркек аты тай табар.
- Ашына кёре табагъы, балына кёре къалагъы.
- Эл ауузу – элек, анга ийнаннган – халек.
- Къыз чыгъаргъан – къызыл къымжа.
- Тойгъанлыкъ къойгъа джарашады.
- Кёб джашагъан – кёб билир.
- Ашыкъгъанны этеги бутуна чырмалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72