- Иги – алгъыш этер, аман – къаргъыш этер.
- Кюлме джашха – келир башха.
- Джырчы ёлсе, джыры къалыр.
- Тин – байлыгъынг, терен саулугъунг.
- Мухар, кеси тойса да, кёзю тоймаз.
- Кийим тукъум сордурур.
- Къолунгдан къуймакъ ашатсанг да, атаны борчундан къутулмазса.
- Адамны аманы адамны бети бла ойнар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эки итни арасына сюек атма, эки адамны арасында сёз чыгъарма.
- Ханнга да келеди хариблик.
- Уллу атлама – абынырса, уллу къабма – къарылырса.
- Эллинг бла джау болсанг да, юйюнг бла джау болма.
- Кёрмегеннге кебек – танг, битмегеннге сакъал – танг.
- «Ма», - дегенни билмесенг, «бер», - дегенни билмезсе.
- Джарлы джети элни сёзюн этер.
- Бойнуму джети джерден кессенг да, мен ол ишни этеллик тюлме.
- Кимни – тили, тиши онглу, кимни – къолу, иши онглу.
- Ачылгъан эт джабылыр, кёрген кёз унутмаз.
- Бал – татлы, балдан да бала – татлы.
- Джигер – джаннга къыйынлыкъ.
- Ата – билек, ана – джюрек!
- Ашхы адам – халкъ байлыгъы, ашхы джер – джашау байлыгъы.
- Къонагъы джокъну – шоху джокъ.
- Мени джылытмагъан кюн, меннге тиймесин!
- Ачны эсинде – аш.
- Къызын тута билмеген, тул этер, джашын тута билмеген, къул этер.
- Аш кетер да бет къалыр.
- Адам къыйынлыгъын кёлтюрюр, зауукълугъун кёлтюрмез.
- Джырына кёре эжиую.
- Джаш болсун, къыз болсун, акъылы, саны тюз болсун.
- Бети къызарыучу адамны, джюреги харам болмаз.
- Ётюрюкню къуйругъу – бир тутум.
- Ашхы атаны – джашы ашхы, ашхы ананы – къызы ашхы.
- Бек анасы джыламаз.
- Зарда марда джокъ.
- Окъ къызбайны джокълайды.
- Ариуну – ауруу кёб.
- Атадан ёксюз – бир ёксюз, анадан ёксюз – эки ёксюз.
- Татлы сёз – балдан татлы.
- Аллахдан тилесенг, кёб тиле.
- Кюн – узун, ёмюр – къысха.
- Къыз чыгъаргъан – къызыл къымжа.
- Къазанчы аман болса, къазаны къайнамаз.
- Кёл – къызбай, къол – батыр.
- Баш болса, бёрк табылыр.
- Мал ёлсе, сюек къалыр, адам ёлсе, иши къалыр.
- Акъыл сабырлыкъ берир.
- Игиге айтсанг – билир, аманнга айтсанг – кюлюр.
- Чомартха хар кюн да байрамды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72