- Аджаллыгъа окъсуз шкок атылыр.
- Ашатыргъа иш – ашхы, ишлетирге аш – ашхы.
- От этилмеген джерден тютюн чыкъмайды.
- Ёнгкюч къууана барыр, джылай келир.
- Танг атмайма десе да, кюн къоярыкъ тюйюлдю.
- Сакъалы текени да бар, мыйыгъы киштикни да бар.
- Кюл тюбюндеги от кёрюнмейди.
- Ёлюк кебинсиз къалмаз.
- Итли къонакъ джарашмаз.
- Адеб джокъда, намыс джокъ.
- Къазанны башы ачыкъ болса, итге уят керекди.
- Ойнай билмеген, уруб къачар.
- Тешик этген тынчды, аны джамагъан къыйынды.
- Тамырсыз терекге таянма – джыгъылырса.
- Джыгъылгъанны сырты джерден тоймаз.
- Тамчы таш тешер.
- Ауругъаннга – кийик саулукъ, джетген къызгъа – чилле джаулукъ.
- Таукелге нюр джауар.
- Огъурлуну сёзю – суу, огъурсузну сёзю – уу.
- Къолу уллу – асыу, аягъы уллу – джарсыу.
- Ушамагъан – джукъмаз.
- Арбаз къынгырды да, ийнек сауалмайма.
- Иги джашны ышаны – аз сёлешиб, кёб тынгылар.
- Азыкъ аз болса, эртде орун сал.
- Душманны тышы – акъ, ичи – къара.
- Къарнынг къанлынга кийирир.
- Ачлыкъ отха секиртир.
- Билмезни кёзю кёрмез, этмезни къулагъы эшитмез.
- Чарсда алчыны эл кёреди.
- Ёзденликни джайгъан – джокълукъ.
- Ёгюзню мюйюзюнден тутадыла, адамны сёзюнден тутадыла.
- Адамгъа аман кюн соруб келмейди.
- Тулпарлыкъ, билекден тюл – джюрекден.
- Эл тойса, тоймагъан, эл къойса, къоймагъан.
- Кёзюнде тереги болгъан, чёбю болгъаннга кюле эди.
- Дуния мал дунияда къалады.
- Кеси юйюмде мен да ханма.
- Аман адамны тепсинге олтуртсанг, къызынгы тилер.
- Эл элде бирер малынг болгъандан эсе, бирер тенгинг болсун.
- Джашлыкъ этмеген, башлыкъ этмез.
- Ашха уста, юйюнде болсун
- Илму – джашауну джолу.
- Эртде тургъан бла эртде юйленнген сокъуранмаз.
- Ёксюзню тилеги къабыл болур.
- Тешигини къатында, чычхан да батыр болур.
- Джарлыны эшигин махтагъан джабар.
- Кесинге джетмегенни, кёб сёлешме.
- Сабий болмагъан джерде, мёлек болмаз.
- Гитче джилтин уллу элни джандырыр.
- Ишлерге уял да, ашаргъа табма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72