- Тёгюлген тюгел джыйылмайды.
- Ач уят къоймаз.
- Ашхы адам – халкъ байлыгъы, ашхы джер – джашау байлыгъы.
- Къууут – джелге, берне – бошха.
- Аллахха ийнаннган кишини, Аллах онгдурур ишин.
- Тенгинг джокъ эсе – изле, бар эсе – сакъла!
- Атлыны кёрсе, джаяуну буту талыр.
- Кюн – узун, ёмюр – къысха.
- Акъыллы башны – тили къысха.
- Кёзден кетген, кёлден да кетеди.
- Илму – джашауну джолу.
- Башы джабылгъан челекге, кир тюшмез.
- Акъыллы эркиши атын махтар, акъылсыз эркиши къатынын махтар.
- Тин – байлыгъынг, терен саулугъунг.
- Башы ишлегенни, ауузу да ишлер.
- Ойнай билмеген, оюн бузар.
- Ишлерге уял да, ашаргъа табма.
- Дуния аламаты сен эсенг да, игиме деб айтма.
- Кийим тукъум сордурур.
- Ётюрюкню башын керти кесер.
- Мени джылытмагъан кюн, меннге тиймесин!
- Кесине оноу эте билмеген, халкъына да эте билмез.
- Къарны аманнга къазан такъдырма, къолу аманнга от джакъдырма.
- Бермеген къол, алмайды.
- Адеб джокъда, намыс джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ишлегенден, къарагъан уста.
- Терек ауса, отунчу – кёб.
- Эрине къаргъыш этген къатын, эрнин къабар.
- Тамбла алтындан бюгюн багъыр ашхы.
- Къартны сыйын кёрмеген, къартлыгъында сыйлы болмаз.
- Азыгъы аз, алгъа къабар, аты аман, алгъа чабар.
- Башынга джетмегенни сорма.
- Эри аманны, къатыны – аман.
- Соргъан айыб тюлдю, билмеген айыбды.
- Ёксюзню тилеги къабыл болур.
- Ауурну тюбю бла, дженгилни башы бла джюрюген.
- Кёзюнде тереги болгъан, чёбю болгъаннга кюле эди.
- Къарнынг бла ёч алма.
- Къарт бла баш аша, джаш бла аякъ аша.
- Къанны къан бла джуума, аманны аман бла къуума.
- Ариу сёз джыланны орнундан чыгъарыр.
- Акъылсызны джууукъгъа алма, акъыллыны кенгнге салма.
- Эринчекге кюн узун.
- «Ма», - дегенни билмесенг, «бер», - дегенни билмезсе.
- Дуния мал дунияда къалады.
- Келинни – келгинчи, бёркню кийгинчи кёр.
- Ана къойну – балагъа джандет.
- Ханнга да келеди хариблик.
- Хазыр ашха – терен къашыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72