- Къан бла кирген, джан бла чыгъар.
- Телиге акъыл салгъандан эсе, ёлгеннге джан салырса.
- Терек ауса, отунчу – кёб.
- Танг атмайма десе да, кюн къоярыкъ тюйюлдю.
- Тёрдеги кюлсе, эшикдеги ышарыр.
- Шайтан алдады, тюзлюк къаргъады.
- Джахил болса анасы, не билликди баласы?
- Тёрде – темир таякълы, къаяда – чыпчыкъ аякълы.
- Къыйынлы джети элге оноу этер.
- Ишни ахырын ойламай, аллын башлама.
- Кийимни бичсенг, кенг бич, тар этген къыйын тюлдю.
- Кесинг сынамагъан затны, адамгъа буюрма.
- Джашда акъыл джокъ, къартда къарыу джокъ.
- Ана къолу ачытмаз.
- Келинин тута билмеген, къул этер, къызын тута билмеген, тул этер.
- Сакъалы текени да бар, мыйыгъы киштикни да бар.
- Тау башында, тау болмаз, джангыз терек, бау болмаз.
- Джолунга кёре – джюрюшюнг, джагъанга кёре – юлюшюнг.
- Биреу къой излей, биреу той излей.
- Тилсиз миллет джокъ болур.
- Эте билген, этген этеди, эте билмеген, юретген этеди!
- Хунаны тюбюн къазсанг, юсюнге ауар.
- Акъыл къартда, джашда тюйюлдю – башдады.
- Ашхылыкъ джерде джатмайды, аманлыкъ суугъа батмайды.
- Мени джылытмагъан кюн, меннге тиймесин!
- Керек ташны ауурлугъу джокъ.
- Ышармагъан – кюлмез, кюлмеген – къууанчны билмез.
- Мухар, кеси тойса да, кёзю тоймаз.
- Аман адамны тепсинге олтуртсанг, къызынгы тилер.
- Билимсиз иш бармаз.
- Харам къарнашдан, халал тенг ашхы.
- Насыблы элин сюер, насыбсыз кесин сюер.
- Джюрекден джюрекге джол барды.
- Зарда марда джокъ.
- Къарнынг бла ёч алма.
- Ёлюр джаннга, ёкюл джокъ.
- Абынмазлыкъ аякъ джокъ, джангылмазлыкъ джаякъ джокъ.
- Миллетни бойну – базыкъ, аны бла кюрешген – джазыкъ.
- Таукел тауну аудурур.
- Дуния аламаты сен эсенг да, игиме деб айтма.
- Таула не мийик болсала да, аууш табылыр.
- Алтыннга тот къонмаз.
- Къулакъдан эсе, кёзге ышан.
- Соргъан айыб тюлдю, билмеген айыбды.
- Эл тойса, тоймагъан, эл къойса, къоймагъан.
- Ишин билген, аны сыйын чыгъарады.
- Къарнынг къанлынга кийирир.
- Биреу ашаб къутулур, биреу джалаб тутулур.
- Ачылгъан эт джабылыр, кёрген кёз унутмаз.
- Кёбден умут этиб, аздан къуру къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72