- Билим къая тешер.
- Юре билмеген ит, къонакъ келтирир.
- Экеулен сёлеше тура эселе, орталарына барыб кирме.
- Аш берме да, къаш бер.
- Зар адамны насыбы болмаз.
- Ёнгкюч къууана барыр, джылай келир.
- Джиби бир къат джетмей эди да, эки къат тарта эди.
- Тойгъа алгъа да барма, тойда артха да къалма.
- Адамны артындан къара сабан сюрме.
- Билим – акъылны чырагъы.
- Мухарны эси – ашарыкъда.
- Ётюрюкден тюбю джокъ, кёлтюрюрге джиби джокъ.
- Къан бла кирген, джан бла чыгъар.
- Тойчу джашха къарама, къойчу джашха къара.
- Тилсиз миллет джокъ болур.
- Адеб джокъда, намыс джокъ.
- Ач къарным, тынч къулагъым.
- Юй ишлеген балта эшикде къалыр.
- Джумушакъ терекни къурт ашар.
- Чакъырылмагъан къонакъ – орунсуз.
- Эртде тургъан джылкъычыны эркек аты тай табар.
- Адам къаллай бир ишленмесе, аллай бир кесин уллу кёреди.
- Хазыр ашха – терен къашыкъ.
- Эли джокъну – кёлю джокъ.
- Къыз чыгъаргъан – къызыл къымжа.
- Болджал ишни бёрю ашар.
- Джырчы ёлсе, джыры къалыр.
- Ата – баланы уясы.
- Акъылсызны джууукъгъа алма, акъыллыны кенгнге салма.
- Игилик игилик бла сингдирилиучю затды.
- Къартны бурнун сюрт да, оноугъа тут.
- Ашхы – джыяр, аман – джояр.
- Джолда аягъынга сакъ бол, ушакъда тилинге сакъ бол.
- Ашлыкъ – бюртюкден, джюн – тюкден.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз сёзню айтдырыр.
- Къонакъ аз олтурур, кёб сынар.
- Ашыкъгъанны этеги бутуна чырмалыр.
- Къарын къуру болса, джюрек уру болур.
- Тамырсыз терекге таянма – джыгъылырса.
- Кесине гебен этелмеген, биреуге черен эте эди.
- Ойнай билмеген, уруб къачар.
- Элде адам къалмаса, ит тахтагъа минер.
- Джарлы эскисин джамаса, къууаныр.
- Эм ашхы къайын ана мамукъ бла башынгы тешер.
- Адам боллукъ, атламындан белгили болур.
- Джарлыны эшигин махтагъан джабар.
- Башсыз урчукъ тюзюне айланмаз.
- Иги адамны бир сёзю эки болмаз.
- Насыблы элин сюер, насыбсыз кесин сюер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72