Эльбрусоид :: Форум :: Архив форумов

Суугъа – таянма, джаугъа – ийнанма.
Ашхы – джыяр, аман – джояр.
Къарт айтханны этмеген, къартаймаз.
Атлыны кёрсе, джаяуну буту талыр.
Аджаллыгъа окъсуз шкок атылыр.
Гитче джилтин уллу элни джандырыр.
Ётюрюкчюню шагъаты – къатында.
Акъыллы айтыр эди, акъылсыз къоймайды.
Тойгъандан сора, ашны сёкме.
Ариу джол аджал келтирмез.
Сёлеш деб шай берген, тохта деб, сом берген.
Харам къарнашдан, халал тенг ашхы.
Игиге айтсанг – билир, аманнга айтсанг – кюлюр.
Халкъны джырын джырласанг, халкъ санга эжиу этер.
Ишни аллы бла къууанма да, арты бла къууан.
Джаралыны джастыгъында сау ёлюр.
Тёзген – тёш ашар!
Байлыкъ болгъан джерде, тынчлыкъ джокъду.
Джол бла сёзню къыйыры джокъ.
Билимли ёлмез, билимсиз кёрмез.
Джашлыкъ этмеген, башлыкъ этмез.
Ат басханны джер билед.
Кюн кёрмеген, кюн кёрсе, кюндюз чыракъ джандырыр.
Бастасын ашагъан, хантусун да ичер.
Агъач – джерни чырайы, кийим – эрни чырайы.
Кёл ашады да, кеси ашады.
Ашхы тенг джолгъа салыр, аман тенг джолдан тайдырыр.
Джаш къарыу бла кючлю, къарт акъыл бла кючлю.
Сагъыш – къартлыкъгъа сюйюмчю.
Ачыкъ джюрекге джол – ачыкъ.
Телини эшигин, махтау джабар.
Тёрени джагъы джокъ.
Керек ташны ауурлугъу джокъ.
Ёмюрлюк шохлукъну джел элтмез.
Къонакъ аман болса, къонакъбай джунчур
Джаханимни кёрмей, джандетге кёл салмазса.
Джолунга кёре – джюрюшюнг, джагъанга кёре – юлюшюнг.
Иесиз малны бёрю ашар.
Байлыкъ адамны сокъур этер.
Къарын къуру болса, джюрек уру болур.
Игилик игилик бла сингдирилиучю затды.
Бойнуму джети джерден кессенг да, мен ол ишни этеллик тюлме.
Ишлемеген – тишлемез.
Къыйынлы джети элни къайгъысын этер.
Ач, тоймам, дейди, тойгъан, ач болмам, дейди.
Ашда – бёрю, ишде – ёлю.
Миллетни бойну – базыкъ, аны бла кюрешген – джазыкъ.
Къайгъы тюбю – тенгиз.
Кенгеш болса, уруш болмаз.
Къыз чыгъаргъан – къызыл къымжа.

Логин:
Пароль:
	Запомнить меня на этом компьютере

Забыли свой пароль?
Регистрация