- Адам къыйынлыгъын кёлтюрюр, зауукълугъун кёлтюрмез.
- Къатын байлыкъны сюер, эр саулукъну сюер.
- Хазыр ашха – терен къашыкъ.
- Арбаз къынгырды да, ийнек сауалмайма.
- Къайтырыкъ эшигинги, къаты уруб чыкъма.
- Миллетни бойну – базыкъ, аны бла кюрешген – джазыкъ.
- Ач келгенни – тойдур, кеч келгенни – къондур.
- Айранны сюйген, ийнек тутар.
- Байлыкъ болгъан джерде, тынчлыкъ джокъду.
- Ата Джуртуму башы болмасам да, босагъасында ташы болайым.
- Ёлген эшек бёрюден къоркъмайды.
- Джангыз терек къынгыр ёсер.
- Бет бетге къараса, бет да джерге къарар.
- Хантына кёре тузу, юйюне кёре къызы.
- Аз сёлешген, къайгъысыз турур.
- Малны кют, джерни тюрт.
- Джарлы джети элни сёзюн этер.
- Ёпкелегенни ашы татлы болады.
- Туз, гырджын аша, тюзлюк бла джаша.
- Адамны аманы адамны бети бла ойнар.
- Къонакъны къачан кетерин сорма, къачан келлигин сор.
- Этим кетсе да, сюегим къалыр.
- Окъугъанны бети джарыкъ.
- Сакъалы текени да бар, мыйыгъы киштикни да бар.
- Игиге айтсанг – билир, аманнга айтсанг – кюлюр.
- Джыгъылгъанны сырты джерден тоймаз.
- Чомартны къолун джокълукъ байлар.
- Къазанны башы ачыкъ болса, итге уят керекди.
- Къолу уллу – асыу, аягъы уллу – джарсыу.
- Сабий болмагъан джерде, мёлек болмаз.
- Башы джабылгъан челекге, кир тюшмез.
- Билим къая тешер.
- Игини сыйлагъан адетди.
- Билим – акъылны чырагъы.
- Бал ашаргъа сюе эсенг, чибин ургъаннга тёз.
- Эшекге миннген – биринчи айыб, андан джыгъылгъан – экинчи айыб.
- Келинин тута билмеген, къул этер, къызын тута билмеген, тул этер.
- Уллу къазанда бишген эт, чий къалмаз.
- Адам сёзюнден белгили.
- Чыбыкълыкъда бюгюлмеген, къазыкълыкъда бюгюлмей эди.
- Душманны тышы – акъ, ичи – къара.
- Эрине къаргъыш этген къатын, эрнин къабар.
- Башланнган иш битер, къымылдагъан тиш тюшер.
- Мени джылытмагъан кюн, меннге тиймесин!
- Ашда – бёрю, ишде – ёлю.
- Билмейме деген – бир сёз
- Накъырда – кертини келечиси.
- Аман киши кеси юйюнде – къонакъ.
- Акъыллы айтыр эди, акъылсыз къоймайды.
- Ётюрюкню башын керти кесер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72