Эльбрусоид :: Форум :: Архив форумов

Ат да турмайды бир териде.
Аман хансны – урлугъу кёб.
Татлы тилде – сёз ариу, чемер къолда – иш ариу.
«Ёгюз, джаргъа джууукъ барма, меннге джюк боллукъса», - дегенди эшек.
Акъыллы – эл иеси, тели – эл баласы.
Ишлемеген – тишлемез.
Адамны артындан къара сабан сюрме.
Айтханы чапыракъдан ётмеген.
Аманнга игилик этсенг, юйюнге сау бармазса.
Къазанны башы ачыкъ болса, итге уят керекди.
Джауумдан сора, кюн кюйдюрюр, ётюрюкден сора, айыб кюйдюрюр.
Чомартны къолун джокълукъ байлар.
Къартха ушагъан джаш – акъыллы, джашха ушагъан къарт – тели.
Джан саулукъ бермей, сан саулукъ бермезсе.
Тойгъан антын унутур.
Къоркъакъны кёзю экили кёрюр.
Хантына кёре тузу, юйюне кёре къызы.
Ашлыкъ – бюртюкден, джюн – тюкден.
Байны оноуу, джарлыгъа джарамаз.
Аман адам этегингден тутса, кес да къач.
Иги – алгъыш этер, аман – къаргъыш этер.
Джангыз торгъай джырламаз.
Алма терегинден кери кетмез.
Душманны тышы – акъ, ичи – къара.
Итли къонакъ джарашмаз.
Алгъанда – джууукъ, бергенде – джау.
Юйюнгден чыкъдынг – кюнюнгден чыкъдынг.
Термилгенинги табмазса, кюлгенинге тюберсе.
Ана къолу ачытмаз.
Узун джолну барсанг, бюгюн келирсе, къысха джолну барсанг, тамбла келирсе.
Зар адамны насыбы болмаз.
Иесиз малны бёрю ашар.
Дууулдаса – бал чибин, къонса – къара чибин.
Аман адам элни бир-бирине джау этер.
Джетген къыз джерли эшекни танымаз.
Мухарны эси – ашарыкъда.
Туз, гырджын аша, тюзлюк бла джаша.
Эки элинги тыйсанг, джети элде махталырса.
Ёксюзню тилеги къабыл болур.
Ашхы – джыяр, аман – джояр.
Босагъа таш юйге кирмей эди, тыбыр таш эшикге чыкъмай эди.
Ауругъанны сау билмез, ач къарынны токъ билмез.
Аманны тукъумуна къарама, игини тукъумун сорма.
Экеу тутушса, биреу джыгъылыр.
Джашда акъыл джокъ, къартда къарыу джокъ.
Aдам боллукъ, сыфатындан белгили.
Ёксюзню къалачы уллу кёрюнюр.
Адеб базарда сатылмаз.
Ана къойну – балагъа джандет.
Ёлген аслан – сау чычхан.

Логин:
Пароль:
	Запомнить меня на этом компьютере

Забыли свой пароль?
Регистрация