Эльбрусоид :: Форум :: Архив форумов

Юй ишлеген балта эшикде къалыр.
Игини сыйлагъан адетди.
Къонакъ болсанг, ийнакъ бол.
Ашда уялгъан – мухар, ишде уялгъан – хомух.
Кюлме джашха – келир башха.
Сагъыш – къартлыкъгъа сюйюмчю.
Ханы къызы буюгъа-буюгъа киштик болду.
Халкъгъа джарагъан, джарлы къалмаз.
Билим насыб берир, билим джолну керир.
Билимсиз иш бармаз.
Къарнынг тойгъунчу аша да, белинг талгъынчы ишле.
Магъанасыз сёз – тауушсуз сыбызгъы.
Джюрекден джюрекге джол барды.
Эркишини аманы тиширыуну джылатыр.
Бойнуму джети джерден кессенг да, мен ол ишни этеллик тюлме.
Эки элинги тыйсанг, джети элде махталырса.
Окъуу – билимни ачхычы, окъуу – дунияны бачхычы.
Сормай – алма, чакъырылмай – барма.
Акъдан къара болмаз.
Ашхы тенг джолгъа салыр, аман тенг джолдан тайдырыр.
Хар ишни да аллы къыйынды.
Этни бети бла шорпасы.
Ишни ахырын ойламай, аллын башлама.
Аманнга игилик этсенг, юйюнге сау бармазса.
Адамны сыфатына къарама, сёзюне къара.
Кёз – сюйген джерде, къол – ауругъан джерде.
Акъылсызны джууукъгъа алма, акъыллыны кенгнге салма.
Мухардан ач ычхынмаз.
Кюл тюбюндеги от кёрюнмейди.
Аууз сакълагъан – джан сакълар.
Тешик этген тынчды, аны джамагъан къыйынды.
Бёрю да ач къалмасын, эчки да ашалмасын.
Атлыны ашхысы, ат тизгининден билинир
Таукел адам тау тешер.
Тенгни тенглиги джашай барсанг билинир.
Кёб къычыргъандан – къоркъма, тынч олтургъандан – къоркъ.
Тили узунну, намысы – къысха.
Ашхы атаны – джашы ашхы, ашхы ананы – къызы ашхы.
Айтханы чапыракъдан ётмеген.
Келинни – келгинчи, бёркню кийгинчи кёр.
Ариу сёз джыланны орнундан чыгъарыр.
Аз сёлешген, къайгъысыз турур.
Сескекли кесин билдирир.
Адамны аманы адамны бети бла ойнар.
Ата – баланы уясы.
Чалманны аллы къалай башланса, арты да алай барады.
Ач къалгъандан, кеч къалгъан къолай.
Мен да «сен», дейме, сен да «кесим», дейсе.
Сёз къанатсыз учар.
Соргъан айыб тюлдю, билмеген айыбды.

Логин:
Пароль:
	Запомнить меня на этом компьютере

Забыли свой пароль?
Регистрация