- Иги болса, тамадама – махтау, аман болса, меннге – айыб.
- Экиндини кеч къылсанг, чабыб джетер ашхам.
- Къолунгдан къуймакъ ашатсанг да, атаны борчундан къутулмазса.
- Джарлы джети элни сёзюн этер.
- Къан бла кирген, джан бла чыгъар.
- Тенги кёбню джау алмаз, акъылы кёбню дау алмаз.
- Ата Джуртча джер болмаз, туугъан элча эл болмаз.
- Ишге юренсин къоллары, халкъ бла болсун джоллары.
- Сёз – кюмюш, джыр – алтын.
- Чомарт къолда мал къалмаз.
- Адамны сабийин сюйген джюреги, бычакъча, джитиди.
- Билген билмегенни юретген адетди.
- Ишленмеклик адамлыкъды.
- Аманны эки битли тону болур, бирин сеннге кийдирир, бирин кеси киер.
- Кюн кёрмеген, кюн кёрсе, кюндюз чыракъ джандырыр.
- Малны кют, джерни тюрт.
- Джылыгъа джылан илешир.
- Накъырданы арты керти болур.
- Хар сёзню орну барды.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашда – бёрю, ишде – ёлю.
- Атынг аманнга чыкъгъандан эсе, джанынг тамагъынгдан чыкъсын.
- Босагъагъа джууукъ орун болса, ашыгъыб тёрге озма.
- Иги – алгъыш этер, аман – къаргъыш этер.
- Бети къызарыучу адамны, джюреги харам болмаз.
- Суу кетер, таш къалыр.
- Джашны джигитлиги сорулур, къызны джигерлиги сорулур.
- Джол бла сёзню къыйыры джокъ.
- Айтханы чапыракъдан ётмеген.
- Ач къарынны, токъ билмез
- Къарнынг бла ёч алма.
- Тёрени джагъы джокъ.
- Къобан да къуру да къобханлай турмайды, адам да къуру да патчахлай турмайды.
- Тамчы таш тешер.
- Аз сёлеш, кёб ишле.
- Къазанчы аман болса, къазаны къайнамаз.
- Къонакъ болсанг, ийнакъ бол.
- Эки къатын алгъанны къулагъы тынгнгаймаз.
- Къазанда болса, чолпугъа чыгъар.
- Хатерли къул болур.
- Кёб джашагъан – кёб билир.
- Кёб къычыргъандан – къоркъма, тынч олтургъандан – къоркъ.
- Гугук кесини атын айтыб къычыргъанча, мен, мен деб нек тураса?
- Ауузу аманнга «иги», деме.
- Суугъа – чабакъ, къаягъа – ыргъакъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тёгюлген тюгел джыйылмайды.
- Баргъанынга кёре болур келгенинг.
- Байны оноуу, джарлыгъа джарамаз.
- Аджалсыз ёлюм болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72